Sigida 7 Banakisɛ­fagalanw

Ni fura ma mako ɲɛ, an ka kan ka ko min kɛ

Bana caman furakɛli la, banakisɛ­fagalanw bɛ bana nɔgɔya kabini u kɛdon tile fɔlɔ walima u kɛdon tile filanan. Ni aw ye a kɔlɔsi ko banakisɛ­fagalan tɛka a ka baara kɛ, a bɛ se ka kɛ:

  1. Ko bana wɛrɛ don aw hakili tɛ min yɛrɛ la, o de kama aw ka kan ka fura wɛrɛ ɲini. Aw ye a ɲini ka bana sidɔn walasa aw ka a fura jɔnjɔn sɔrɔ.
  2. Ko banakisɛ­fagalan tata hakɛ man ɲi. Aw ye o jateminɛ.
  3. Ko banakisɛ­fagalan tata ma fɛn tiɲɛ banakisɛw ye. Aw ye banakisɛ­fagalan wɛrɛ lajɛ min kofɔlen don bana in furakɛli la.
  4. Ko bana in furakɛli dɔnniya tɛ aw la, aw ye dɔgɔtɔrɔ ka dɛmɛ ɲini, sango ni bana bɛka juguya.

Mura tun bɛ nin denmisɛnni saba la…

Jɔn ye janfanci ye?

image

Penisilini! (La pénicilline!)

Aw ye faritɛnɛ lajɛ sɛbɛn ɲɛ Farikolo tanabanaw: a hakɛlama walima a juguman na.

Jɔn nɔ don?

image

Kuloranfenikɔli!

(Le chloramphénicol!)

Aw ye nin fura in tali faratiw ni a yɛrɛkɔlɔsi fɛɛrɛw lajɛ (sɛbɛn ɲɛ Kuloranfenikɔli).

Munna nin den in nɔgɔyara?

image

A ma farati ka fura foyi ta jiridennɔnɔ ni balo ɲuman kɔ, ka fara yɛrɛ lafiɲɛbɔ kan.

Banakisɛ­fagalan tɛ fosi ɲɛ mura gansan furakɛli la.

Aw kana banakisɛ­fagalan ta bana fosi kama, fo a dabɔra bana minnu furakɛli kama.

📖 Gafe kɔnɔkow
← Segin kɔfɛ | Taa ɲɛfɛ →