Sigida 11 Balo nafama

Witaminiw bɛ sɔrɔ fɛn minnu na: furakisɛw, pikiriw, sirojiw, walima dumuniw na?

Mɔgɔ o mɔgɔ bɛ dumuni ɲuman dun, o tigi bɛ a farikolo nafalan witamini bɛɛ sɔrɔ. Dumuni ɲuman dunni ka fisa ni witamini furakisɛlama, a pikirilama, a sirojilama, walima a farifoninan sanni ye.

Ni aw b’a fɛ ka witamini sɔrɔ, aw bɛ tiga ni jiridenw san, walima dumuni dafalenw, olu ka fisa ni furakisɛw ni pikiriw ye.

Ja

Awɔ, ninnu ka ɲi

Ja

Ayi, ninnu man ɲi

Tuma dɔw la, dumuni dafalenw sɔrɔ man di. Ni bana ye mɔgɔ sɔrɔ, mɔgɔ min balolen tɛ ka ɲɛ; o tigi ka kan ka a jija ka balo dafalen dun ani ka witamini dɔw fara a kan.

Ni a kɛra a fɛn o fɛn ye, witamini duntaw ka fisa ni a pikirilamaw ye, wa u da man gɛlɛn ani farati foyi tɛ u la. Aw kana sɔn ka witamini pikirilamaw kɛ! A ka fisa aw ka u dun, kɛrɛn­kɛrɛnnenya la dumuni dafalenw.

Ni aw bɛ witamini labɛnnenw san, aw ye aw jija ka a dɔn ko witamini suguya bɛɛ ni joliseginfura suguya bɛɛ bɛ a la, o minnu tɛ sɔrɔ dumuni tulumaw la. Fana, mɔgɔ minnu ka kan ka witamini ninnu ta, olu de ye jolidɛsɛ ni witaminiko gɛlɛya bɛ musokɔnɔma minnu na kɔrɔlen, ani balodɛsɛ ka ca sigida minnu na, misali la jiriden ni nakɔfɛn man ca dugumisɛnni minnu na tilema waati.

Ka a fara olu kan, mɔgɔ dɔw mako bɛ fɛn wɛrɛw la, i n’a fɔ:

📖 Gafe kɔnɔkow
← Segin kɔfɛ | Taa ɲɛfɛ →