Sigida 13 Bana minnu bɛ mɔgɔ minɛ ka caya

Nu gerenni ni nuji bɔli

Nu gerenni walima nuji bɔli sababu bɛ bɔ mura walima faritana fɛn dɔ la (aw ye sɛbɛn ɲɛ nataw lajɛ). Nuji bɔ kojugu bɛ se ka tulodimi bila denmisɛn na walima ka ɲɛdakolodimi bila mɔgɔkɔrɔba la.

Walasa ka nu gerenni furakɛ, aw bɛ nin fɛn ninnu kɛ:

Ja
  1. Ni den fitini don, aw bɛ fiyɛlibara walima pikirikɛlan biɲɛntan kɛ ka nuji sama ka a bɔ ni hakilisigi ye, i n’a fɔ ja in ta cogo.
  Ja
  1. Ni denkɔrɔba walima mɔgɔkɔrɔba don, olu bɛ se ka ji kɔkɔma ta u bolo la ka a foron ka don u nu kɔnɔ. O bɛ nuji yeelen. Aw bɛ o kɛ ni ji saniman ye, min wulilen ani sumalen. Kɔkɔ man kan ka caya ji la kojugu. Kafeminkutu ɲɛ tilalen 4 ye, aw bɛ o tila 1 kɔkɔ kɛ bɔlini ɲɛ 1 ji la.
  2. Ka nu wusu ni jikalan funteni ye, o bɛ nu gerennen dayɛlɛ i n’a fɔ a ɲɛfɔlen don sɛbɛn ɲɛ Sɔgɔsɔgɔ furakɛcogo na cogo min.
Ja
  1. Nu gerenni ni nuji bɔli bɛ kɛ sababu ye ka tulodimi walima nukolodimi bila mɔgɔ minnu na, olu ka kan ka u ka nu gerenni ni nuji bɔli furakɛ ni furaji ye min bɛ kɛ nu kɔnɔ ka a dayɛlɛ, feilifirini (phényléphrine) walima efedirini (éphédrine) bɛ min na (sɛbɛn ɲɛ Nudayɛlɛfura). Aw kɛlen kɔ ka jikɔkɔma kɛ aw nu kɔnɔ, aw bɛ o furaji kɛ aw nu na i n’a fɔ ja in ta cogo:
  2. Nunafuraji minta fana bɛ se ka kɛ ka furakɛli kɛ, min ni fenilefirini walima o ɲɔgɔn dɔ bɛ fura min na (décongestionnant nasal+phényléphrine ou son similaire).

📖 Gafe kɔnɔkow
← Segin kɔfɛ | Taa ɲɛfɛ →