Sigida 15 Wololabanaw

Furabulu ni fɛn minnu bɛ faritanabana bila mɔgɔ la

Jiri dɔw bɛ yen ni mɔgɔ magara u la (i n’a fɔ bagasabali, fogonfogoni koroŋɛɲɛ, ziradenŋɛɲɛ ani kɔŋɛɲɛ), olu bɛ se ka faritanabana bila mɔgɔ la i n’a fɔ logologo, jenida walima fari bilenni ŋɛɲɛ bɛ min senkɔrɔ. Tumu dɔw ni fɛnɲɛnamaniw fana bɛ se ka faritanabana bila mɔgɔ la.

Faritanabana ka teli ka mɔgɔ minnu minɛ, ni olu magara fɛn dɔw la walima ka u kɛ u fari la, o bɛ ŋɛɲɛ walima jolimisɛnniw bila u la. Manasamara, tulolanɛgɛ, munitulu suguya dɔw, latikɔlɔn, kolisafinɛ caman ka teli ka faritanabana bila mɔgɔ la.

A furakɛcogo

Nin faritanabana bɛɛ bɛ ban u yɛrɛ ma ni u sɔrɔsababu ma se fari ma tuguni. Ni aw ye gɔmi (bananku ta) ɲagami ji la, o bɛ ŋɛɲɛ tigɛ.

Mɔgɔ bɛ se ka asipirini (aspirine) walima ŋɛɲɛfura fana ta (aw ye sɛbɛn ɲɛ Faritanabanaw ni fɔɔnɔ: fariŋɛɲɛfuraw lajɛ). Ni a ŋɛɲɛ ka jugu, aw bɛ tulufariman mu, (aw ye sɛbɛn ɲɛ Kurukuru ni ŋɛɲɛ furakɛ tuluw, pommade corticostéroïdes lajɛ), nka farati bɛ o tulu ninnu na. Aw bɛ a jateminɛ ni joli tɛ aw la sani aw ka tulu ninnu mu. Aw kana waatijan kɛ u muni na. Aw bɛ yɔrɔ bananenw saniya waati bɛɛ walasa nɛ kana don u la.

📖 Gafe kɔnɔkow
← Segin kɔfɛ | Taa ɲɛfɛ →