Sigida 15 Wololabanaw

Wolola­sɔgɔsɔgɔnijɛ walima gɛnɛgɛnɛ

Banakisɛ min bɛ sɔgɔsɔgɔninjɛ bila mɔgɔ la, o kelen de ye wolola­banamisɛnni caman sababu ye, i n’a fɔ:

kuruw

image

joli basigilenw

image

wolobɔsi

image

goro kunbabaw

image

A ka ca a la nin bana ninnu bɛ don mɔgɔ farikolo la dɔɔni dɔɔni ka sɔrɔ ka u basigi san caman.

Tuma dɔw, la sɔgɔsɔgɔ­ninjɛ bɛ gɛnɛ­gɛnɛw juguya, a ka ca a la minnu bɛ tɔn na, kamakun ni kan cɛ kolo min bɛ yen o kɔfɛtaw walima kan yɛrɛ sanfɛ. Gɛnɛ­gɛnɛw bɛ bonya, ka ci ka u nɛ bɔ, ka datugu ka waati kɛ, ka tila ka ci ka nɛ bɔ tuguni. Nka a ka ca a la dimi tɛ u la.

image

sɔgɔsɔgɔ­ninjɛ banakisɛ, gɛnɛ­gɛnɛw woro la walima kan na

U tɛ i n’a fɔ an ye gɛnɛgɛnɛ minnu ye gafe ɲɛ Joli juguyali taamasiɲɛw la ni olu sababu ye kungololajoli, kankɔnɔdimi walima ɲindimi ye. Tuma dɔw sɔgɔsɔgɔninjɛ taamasiɲɛ wɛrɛw bɛ kɛ banabagatɔ la (fasali, dumunikɛ­baliya, wulafɛ farikalaya).

A furakɛcogo

image

Ni joli don, bɔsili walima gɛnɛgɛnɛ min tɛka kɛnɛya, aw bɛ taa aw yɛrɛ lajɛ dɔgɔtɔrɔso la joona. Sɛgɛsɛgɛli bɛ se ka kɛ walasa ka bana kunw dɔn. Wolola­sɔgɔsɔgɔnijɛ ni sɔgɔsɔgɔninjɛ yɛrɛ furakɛcogo bɛɛ ye kelen ye (aw ye sɛbɛn ɲɛ Sɔgɔsɔgɔnijɛ lajɛ). Walasa bana kana segin kɔ, aw bɛ fura ta waatijan bana kɛnɛyalen kɔfɛ. Aw bɛ dɔgɔtɔrɔ ka ladilikanw matarafa.

📖 Gafe kɔnɔkow
← Segin kɔfɛ | Taa ɲɛfɛ →