Nɛ ɲin na ani ɲindimi

Ni nɛ bɛ ɲinwo kɔnɔ, a dimi bɛ wuli.

Ni bana sera ɲigili ma, a yɔrɔ bɛ fununa, ka nɛ ta.

Walasa ka a dimi mada:

• Aw bɛ dumuni tɔw ni nɔgɔw labɔ ɲindimitɔ wo kɔnɔ ka a saniya ka ɲɛ. O kɔ, aw bɛ aw da ko ka ɲɛ ni jiwɔlɔkɔlen ye, bikaribonati ni kɔkɔ bɛ min na.
• Aw bɛ dimimadafura dɔ ta i n’a fɔ asipirini (aspirine). Aw ye a farafinfurakɛcogo fana lajɛ sɛbɛn ɲɛ Ɲama ni Gele la.
• Walasa ka ɲindimi jugumanba kɛlɛ (ni a fununen don, nɛ bɛ a la, ka gɛnɛgɛnɛ bila mɔgɔ la), aw bɛ banakisɛ­fagalan ta, kɛrɛn­kɛrɛnnenya la penisilini, pénicilline, amɔkisisilini, amoxicilline, walima anpisilini, ampicilline. Mɔgɔ minnu fari tɛ sɔn penisilini ni a bɔsɔnw na, olu bɛ se ka eritoromisini, érythromycine ta.

Ni bana sera ɲinlili ma, ɲin bɛ nɛ ta.

Aw ye u furakɛ joona walasa bana kana fari fan wɛrɛw minɛ.

📖 Gafe kɔnɔkow
← Segin kɔfɛ | Taa ɲɛfɛ →