Sigida 17 Ɲinw, ɲintaraw ani dakɔnɔna

Sufɛfarigan

Joli fitini minnu bɛ bɔ mɔgɔ dawolow la walima mɔgɔ dogoyɔrɔw la ni dimi bɛ u la ani ni u bɛ ci ka kɛ jolifɔn ye, olu bɛ bɔ farigan walima jatigɛko dɔ tɛmɛnen kɔ; bana don min sababu ye kaba (wololabana) ye. U bɛ kɛnɛya dɔgɔkun 1 walima dɔgɔkun 2 kɔfɛ. Ni aw bɛ gilasi da u la siɲɛ caman tile kɔnɔ, o bɛ a to u ka kɛnɛya joona. Ni aw ye fuganmugu da u kan walima kanfiriye ɲɛji walima jirikuna dɔ ɲɛji tonni u kan, o bɛ u kɛnɛya diya. Ni aw ye asikulowiri, acyclovir ta, o bɛ dɔ bɔ a dimi na. Walasa ka funnafoni caman sɔrɔ mɔgɔ dogoyɔrɔlabana kan, aw ye sɛbɛn ɲɛ Dogoyɔrɔla jolimisɛnniw lajɛ.

Walasa ka funnafoni caman sɔrɔ ɲin ni ɲintara furakɛcogo kan, aw ye gafe lajɛ min tɔgɔ tubabukan na ko Là où il n’y a pas de dentiste bamanankan na ko Ɲinfurakɛla tɛ sigida min na, a bɛ sɔrɔ Hesperian Health Guides mɔgɔw bolo.

📖 Gafe kɔnɔkow
← Segin kɔfɛ | Taa ɲɛfɛ →