N’aw bɛ tonso ta, aw ka kan ka gan walima manaforogo dɔ don aw bolo la. N’aw tilala, aw b’aw tɛgɛ ko k’a jɛ ni safinɛ ye.
Sigida 19 Denbaw ni matɔrɔniw ka kunnafoniw
Tonso bɛ bɔ miniti 5 ni miniti 30 ni ɲɔgɔn cɛ den nalen kɔfɛ, nka waati dɔw la lɛrɛ caman bɛ tɛmɛ k’a sɔrɔ a ma na. Aw ye ja lajɛ jukɔrɔ.
Tonso lajɛli:
N’aw bɛ tonso ta, aw ka kan ka gan walima manaforogo dɔ don aw bolo la. N’aw tilala, aw b’aw tɛgɛ ko k’a jɛ ni safinɛ ye.
Ni tonso bɔra, aw b’a ta k’a lajɛ ni a dafalen don. Ni farada b’a la, walima ni dɔ b’a jɛ, aw b’a ɲɛfɔ dɔgɔtɔrɔ ye. Ni tonso yɔrɔ dɔ faralen don walima aw sigara ko a fan dɔ tora denso kɔnɔ aw bɛ dɔgɔtɔrɔ dɔ ka dɛmɛ ɲini, barisa a bɛ se ka jibaatɔ ka basibɔn kuntaala janya walima ka kɔnɔdimi bila a la.
Ni tonso mɛnna ka tɛmɛ lɛri tilancɛ kan (miniti 30 ɲɔgɔn) ka sɔrɔ a ma bɔ:
Aw bɛ denso digidigi dɔɔni dɔɔni ni hakili sigi ye ka taa sen yan fan fɛ fo a ka magaya. O la, tonso ka kan ka se ka bɔ.
Ni tonso ma bɔ joona o bɛɛ la basi bɛka bɔn, i bɛ denso bisi sanfɛ ni bolo kelen ye ka jigin dɔɔni dɔɔni k’a sɔrɔ bolo tɔkelen kɛ k’a digi.
N’a ma se ka bɔ, basi dun bɛka bɔn; aw b’aw jija ka fɛɛrɛ dɔ sɔrɔ a la min bɛ basibɔn lajɔ (sɛbɛn ɲɛ Fura minnu bɛ kɛ ka basibɔn juguman kɛlɛ jiginni kɔfɛ lajɛ) ani ka taa dɔgɔtɔrɔ dɔ ɲini joona.