Ladoncogo kɛrɛn­kɛrɛnnen ka ɲɛsin den dɔgɔmanniw ni den sebaliw ma

Nka bi den sebaliw (minnu tɛ kilogaramu 2,5 bɔ), ladoncogo kɛrɛn­kɛrɛnnen wɛrɛ bɛ yen aw bɛ se ka min kɛ. Ni aw bɛ se, aw bɛ taa ni a ye dɔgɔtɔrɔso la. O denw suguya bɛ bila funteni na wɛri kɔnɔ dɔgɔtɔrɔso la.

A fɔra ko ladoncogo wɛrɛ bɛ yen min bɛ wele ko kanguru ka den ladoncogo. O bɛ kɛ denw na bana tɛ den minnu na. Olu baw bɛ se ka u ladon nin cogo la:

• Aw bɛ den lankolon to ka a da aw disi kan. (A ka fisa ka duloki don min labilalen don).
• Aw bɛ sin di a ma ni a nege ye a minɛ nka a ka fisa aw ka a di a ma lɛri 2 o lɛri 2.
• Ni aw bɛ aw da, aw bɛ a kɛ cogo bɛɛ la den tilennen ka to.
• Aw bɛ den ɲɛ ni a kɔ ko don o don.
• Aw bɛ aw jija den ka to funteni na.

Ni nɛnɛ bɛ, aw bɛ fini wɛrɛw fara den ka fini kan, ka a kungolo datugu.

• Ni aw bɛ taa aw ko walima ni aw bɛ aw lafiɲɛ, aw bɛ a ɲini den fa walima duden wɛrɛ fɛ a ka kanguru ka den ladoncogo kɛ den na.
• Aw bɛ to ka taa ni den ye dɔgɔtɔrɔso la. Aw bɛ aw jija ka den ka boloci bɛɛ dafa. (Aw ye gafe ɲɛ Boloci lajɛ).
• Aw bɛ joliseginfuraw ni witamini di den ma kɛrɛn­kɛrɛnnenya la witamini D. (Aw ye gafe ɲɛ Nɛgɛ ni a dugumafɛ).

📖 Gafe kɔnɔkow
← Segin kɔfɛ | Taa ɲɛfɛ →