Eritoromisini: min bɛ penisilini nɔnabila

Eritoromisini, Érythromycine

Eritoromisini bɛ bana caman fana kɛlɛ i n’a fɔ penisilini kulu kɔnɔfuraw cogo, nka ale de da ka gɛlɛn dɔɔni. Diɲɛ fan caman na, eritoromisini ka ɲi galakanɔrɔ sugu dɔw furakɛli la ka tɛmɛ penisilini kan. A bɛ se ka kɛ ka tɔgɔtɔgɔni ni keteketeni fana furakɛ.

Mɔgɔ minnu fari tɛ sɔn penisilini la, eritoromisini ye o nɔnabilala ɲuman ye.

A bɛ se ka ta bana caman kama tetarasikilini fana nɔ na.

Eritoromisini kɔlɔlɔw

Eritoromisini bɛ na ni fɔɔnɔnege ni kɔnɔboli ye tuma dɔw la, kɛrɛn­kɛrɛnnenya la denmisɛnw na. Aw kana a to a furakɛli ka tɛmɛ dɔgɔkun 2 kan barisa a bɛ se ka sayi nɛrɛmuguma lawuli.

Eritoromisini tacogo

Aw bɛ mg 30 ka se mg 50 tila sigiyɔrɔma 2 walima 4 ye, ka o di kilogaramu kelen o kilogaramu kelen na tile kɔnɔ. Aw bɛ a di tile 7 kɔnɔ ka se tile 10 ma walima fɔ k’a fɔ ko bana taamasiɲɛ bɛɛ banna ka lɛri 24 ɲɔgɔn ka tɛmɛ o kan.

  1. Balikuw: aw bɛ mg 65 di siɲɛ 2 tile kɔnɔ tile 7 ka se tile 10 ma.
  2. San 2 duguma: aw bɛ mg 125 di siɲɛ 3 tile kɔnɔ tile 7 ka se tile 10 ma.
  3. San 2 ka taa san 8 na: aw bɛ mg 250 di siɲɛ 3 tile kɔnɔ tile7 kɔnɔ ka se tile 10 ma.
  4. San 8 sanfɛ: aw bɛ mg 250 ka se mg 500 ma, k’o di siɲɛ 4 tile kɔnɔ ka se tile 10 ma.

Ni bana gɛlɛnw don, aw bɛ hakɛ kofɔlen ninnu ɲɔgɔn 2 di.

📖 Gafe kɔnɔkow
← Segin kɔfɛ | Taa ɲɛfɛ →