Damajalan ni npɔrɔn furaw

Nin bana ninnu taamasiɲɛ fɔlɔw bɛɛ ye kelen ye, ani fana u fila ka teli ka mɔgɔ minɛ ɲɔgɔn fɛ (aw ye sɛbɛn ɲɛ Sopisi ni damajalan lajɛ). Hali ni a wari ka ca, walima a ka gɛlɛn ka npɔrɔn sɛgɛsɛgɛli kɛ, a ka fisa ka a bana fila in bɛɛ furakɛ ɲɔgɔn fɛ. A ka fisa fana ka musow ka leminanpo fana furakɛ (aw ye sɛbɛn ɲɛ Sɔgɔsɔgɔnijɛ lajɛ).

Ni damajalan don, aw bɛ nin fura dɔ la kelen kɛ:

Sɛfitiriyakizɔni (ceftriaxone), o pikiri miligaramu 250 siɲɛ kelen

walima

Sepikitinomisini (spectinomycine), o pikiri garamu 2 siɲɛ kelen

Muso kɔnɔmaw ni denbatigiw man kan ka sepikitinomisini ta.

Ni npɔrɔn don, aw bɛ ninnu ta:

Dɔkisisikilini, doxycycline (sɛbɛn ɲɛ Dɔkisisikilini, doxycycline), o miligaramu 100 bɛ ta siɲɛ 2 don o don tile 7 kɔnɔ.

WALIMA

Azitoromisini, azithromycine garamu 1 bɛ ta, siɲɛ kelen dɔrɔn

WALIMA

Amɔkisisilini, (amoxicilline, sɛbɛn ɲɛ Kunfinnin ni amɔkisisilini, ampicilline et l’amoxicilline, garamu 500 bɛ ta, siɲɛ 3 don o don tile 7 kɔnɔ

WALIMA

Eritoromisini, (érythromycine, sɛbɛn ɲɛ Eritoromisini: min bɛ penisilini nɔnabila), miligaramu 500 kunu siɲɛ 4 don o don tile 7 kɔnɔ. Ni aw bɛ eritoromisini ta, aw bɛ a ta dumunikɛ waatiw la tuma bɛɛ.

WALIMA

Tetarasikilini (tétracycline, sɛbɛn ɲɛ Tetarasikilini), miligaramu 500 bɛ ta, siɲɛ 4 don o don tile 7 kɔnɔ

Ni musokɔnɔma don walima ni a bɛka sin di den ma, a man kan ka tetarasikilini ta. Musokɔnɔmaw ni denbatigiw bɛ se ka azitoromisini, eritoromisini, walima amɔkisisilini ta.

📖 Gafe kɔnɔkow
← Segin kɔfɛ | Taa ɲɛfɛ →