Ni kɔnɔboli walima tɔgɔtɔgɔni don min sababu bɔra nin tumu kofɔlen ninnu na, a ka ca a la yiriyara walima basi bɛ bɔ banakɔtaa la waati dɔw la. Kɔnɔnugu bɛ tigɛtigɛ tuma ni tuma, farigan dɔɔni bɛ se ka kɛ a senkɔrɔ. Tɔgɔtɔgɔni min bɛ sɔrɔ tumu kofɔlen ninnu sababu la, o tɔgɔtɔgɔnin fura ɲuman ye metoronidazɔli ye, ani ka dilokisanidi firoyati fara a kan lala. Ni tɔgɔtɔgɔnin yiriyaralama don, a ka fisa ka metoronidazɔli ni dilokisanidi firoyati ta ɲɔgɔn fɛ.
Walasa ka nugulatumu kofɔlen ninnu bɛɛ faga, aw ka kan ka fura ta ka tugu ɲɔgɔn na dɔgɔkun 2 fo dɔgɔkun 3. Ni bana taamasiɲɛ tununa, a ka fisa waati dɔw la ka furata jɔ ani ka a to farikolo ka se ka tumu tɔw kɛlɛ a yɛrɛ ye. Nin hakilina in bɛ se ka lawalenya sigida la, yɔrɔ min na bana segin ka di.
Kɔnɔboli min bɛ sɔrɔ tumu suguya in fɛ, banakɔtaa ɲɛ bɛ kɛ nɛrɛ ye ani ka a kanga, nka basi ni yiriyara tɛ kɛ a la. Mɔgɔw bɛ metoronidazɔli ta ka caya, nka kinakirini de da ka di.
Tuma dɔ la:
Metoronidazɔli bɛ kɛ ka balaɲamakɔnɔdimi furakɛ min bɛ sɔrɔ tumuw ni nɔgɔw ani banakisɛ dɔw fɛ ani kɔnɔboli dɔw minnu bɛ sɔrɔ banakisɛfagalanw tali fɛ (misali la anpisilini) banakisɛ sujuya caman fagalanw. A bɛ se ka kɛ ka musoyabanaw furakɛ min bɛ sɔrɔ dilannabanaw fɛ wlima banakisɛ wɛrɛw. A ni banakisɛfagalan wɛrɛw mana fara ɲɔgɔn kan, o bɛ joli jugumanw furakɛ walima joli minnu b’a fɛ ka juguya. A jɔda ka bon sɛgɛlɛ furakɛli la.
Fɔɔnɔnege, fasaja, ani kɔnɔboliw ka teli ka don a tali senkɔrɔ. Fura in tali dumuni senfɛ, o bɛ dɔ bɔ a kɔlɔlɔw la. Tuma dɔ la a tali bɛ nɛgɛ kasa ci mɔgɔ nu na walima ka kungolodimi bila a la.
Aw kana metoronidazɔli ta kɔnɔ kalo 3 fɔlɔ kɔnɔ. O bɛ se ka fiɲɛ bila den na. Aw kana a ta kɔnɔ kɔrɔbayalen kan, ani tuma min aw bɛ sin di la, fo ni a kɛra ko fura wɛrɛ tɛ yen min bɛ se ka bana in kɛnɛya.
Ni aw bɛ fura in kan tuma min na, aw kana dɔlɔ min o waati la fo furakɛli bannen kɔ tile 2. Ka aw to fura in kan, dɔlɔmin bɛ fɔɔnɔnege juguman bila aw la. Ladilikan laban na, ni biɲɛdimi bɛ aw la, aw kana metoronidazɔli ta.
A ka ca a la aw bɛ se ka fura in hakɛ caman ta tile 3 kɔnɔ, walima aw bɛ se ka a tila ka a ta tile 5 kɔnɔ ka se tile 10 ma. Musokɔnɔma man kan ka fura in hakɛ caman ta siɲɛ kelen.
Kilogaramu kelen o kilogaramu kelen, aw bɛ miligaramu 15 di don o don. Aw bɛ o tila tako 2 walima tako 3 kɛ tile kɔnɔ, tile 5 walima tile 7. Walima aw bɛ a dicogo kɛ ka da a tigi sisan kan:
Aw bɛ a miligaramu 30 di don o don siɲɛ 3, tile 8 fo ka se tile 10 ma. Walima aw bɛ a tata hakɛ bɛn a si ma:
Metoronidazɔli (métronidazole) tako laban kɔfɛ, aw bɛ firoyati de dilokisanidi, furoate de diloxanide ta.
Aw bɛ banakisɛfagalanw ni fura wɛrɛw di ɲɔgɔn fɛ. Aw bɛ ladilikanw bato, minnu bɛ gafe ɲɛ Bɛlɛni ni kɔnɔnafɛnw foroko cili (farali) la.
Aw bɛ metoronidazɔli (métronidazole) fara omeparazɔli (l’oméprazole) ni amɔkisisilini (l’amoxicilline) kan. Aw ye gafe ɲɛ Furudimi, nsɔnkunan ani dumuni yɛlɛmabaliya lajɛ.
Aw bɛ hakɛ min di balaɲamakɔnɔdimi na, aw bɛ o hakɛ kelen di a tigi ma siɲɛ 3 don o don fo tile 10.
Aw bɛ metoronidazɔli (métronidazole) furakisɛ den 8 ta (garamu 2) ɲɔgɔn fɛ. Walima ni bana ma juguya, aw bɛ furakisɛ 2 don musoya la siɲɛ 2 don o don fo tile 7. Cɛ fana ka kan ka furakɛ hali ni bana taamasiɲɛ tɛ a la. Ni o tɛ, a bɛ sa ka a yɛlɛma muso fɛ.
Aw bɛ metoronidazɔli (métronidazole) furakisɛ den 2 ta (miligaramu 500) siɲɛ 2 don o don fo tile 7. Ni bana sɛginna, cɛ ni muso fila bɛɛ ka kan ka segin furakɛli kelen in kan ɲɔgɔn fɛ.
(Misali la: bagankinda, fɛn nɔgɔlenw ka tigɛdaw).
Kilogaramu o kilogaramu, aw bɛ miligaramu 15 di ka se miligaramu 30 ma tile kɔnɔ. Ni baliku don, aw bɛ metoronidazɔli miligaramu 500 di a tigi ma siɲɛ 3 tile kɔnɔ tile 7 fo ka se tile 10 ma. Aw bɛ banakisɛfagalan wɛrɛ di, i n’a fɔ penisilini, pénicilline, dɔkisisikilini, doxycycline walima kotiri, cotrimoxazole,.
Tuma dɔw la, a:
Dilokisanidi ni banakisɛfagalan wɛrɛw de faralen don ɲɔgɔn kan ka kɔnɔnatumuw faga. Ni aw ma nin fura in sɔrɔ, aw bɛ paromomisini (paromomycine), walima iyodokinɔli (l’iodoquinol) ta a nɔ na.
A bɛ fiɲɛbila, kɔnɔdimi walima dusukunɲugun bila mɔgɔ la. A bɛ ta dumuni senfɛ.
Aw kana dilokisanidi ta kɔnɔbara kalo 3 fɔlɔ kɔnɔ. Ni den bɛ aw sin na, aw bɛ fura in to yen.
Ni aw tilala metoronidazɔli tali la, walima fura wɛrɛ min bɛ kɔnɔnatumuw kɛlɛ, aw bɛ dilokisanidi tali daminɛ.
Aw bɛ a miligaramu 20 ta don o don siɲɛ 3 tile 10 kɔnɔ. Ni aw tɛ se ka a tigi girinya hakɛ ta, aw bɛ a tata hakɛ ka ɲɛ ni a si ye.
A dɔnnen don ni tɔgɔ min ye, o ye: Atabirini (Atabrine) ye.
A furakisɛ miligaramu 100 bɛ sɔrɔ.
Kinakirini bɛ balaɲamakɔnɔdimi furakɛ ka ɲɛ, nka a bɛ mɔgɔ bana kojugu. Mɔgɔw bɛ fura in ta ka caya, barisa a da ka nɔgɔn.
A kɔlɔlɔw: A ka teli ka kungolodimi, ɲɛnamini ni fɔɔnɔ bila mɔgɔ la.
A tacogo balaɲamakɔnɔdimi na:
Aw bɛ kinakirini di siɲɛ 3 don o don dɔgɔkun 1 kɔnɔ. A diko kelen o kelen:
Aw bɛ hakɛ kofɔlen di siɲɛ 3 don o don dɔgɔkun 2 kɔnɔ walima dɔgɔkun 3 kɔnɔ.
Aw bɛ fariŋɛɲɛfura i n’a fɔ porometazini (prométhazine) di a ma lɛri tilancɛ sani aw ka kinakirini di ka fɔɔnɔ bali.
Aw bɛ kinakirini dita caya diko kelen dɔrɔn na: