Furaw kɛli tumuw na o dɔrɔn tɛ u ban pewu-pewu. Yɛrɛsaniya ani forobasaniya jɔyɔrɔ ka bon a la kosɛbɛ. Tumubanaw caya ka di nɔgɔya la ka dukɔnɔmɔgɔ bɛɛ sɔrɔ. O la, ni tumu yera mɔgɔ kelen na, du mɔgɔ bɛɛ furakɛli de ɲɔgɔn tɛ o la.
Mebɛndazɔli bɛ kɔnɔnatumuni furakɛ, ka kɔnɔnatumukunsaba (Trichocéphale) furakɛ, ka kɔnɔnatumuni (Ascaris) furakɛ, ka kɔnɔnatumumisɛnni (Oxyure) furakɛ, ani tumu wɛrɛ min bɛ wele ko sitɔrɔnjiloyidi (Strongyloïdes). A fana bɛ se ka bagansogolatumuni (Trichinose) furakɛ nka a tɛ o fura lakika yɛrɛ ye. Hali ni a yɛ a sɔrɔ ka a kɔlɔlɔw man ca, nugudimi walima kɔnɔboli bɛ se ka a tigi minɛ ni tumuw donna a fari la kosɛbɛ.
I b’i yɛrɛ kɔlɔsi mebɛndazɔli tali la kɔnɔmaya kalo 3 fɔlɔw la ani n’a bɛ se ka gɛlɛya lase i dɛbɛladen ma. I kan’a di denw ma minnu san 1 ma dafa fɔlɔ.
Albɛndazɔli ni mebɛndazɔli ka surun ɲɔgɔn na, nka a da ka gɛlɛn tuma caman. A bɛ kɔnɔnatumuni kɛlɛ, ka kɔnɔnatumukunsaba (Trichocéphale) kɛlɛ, ka sitɔrɔnjiloyidi (Strongyloïdes) kɛlɛ, ka kɔnɔnatumuni (Ascaris) kɛlɛ, ka kɔnɔnatumumisɛnni (Oxyure) kɛlɛ, ka bagansogolatumuni (Trichinose) fana kɛlɛ. A kɔlɔlɔw ka dɔgɔn.
Kana sɔn ka albɛndazɔli di muso ma k’a kɔnɔ to kalo 3 kɔnɔ k’a sababu kɛ a bɛ se ka fiyɛn bila den na a ba dɛbɛ la. I kana a di den ma min si ma san 1 sɔrɔ fɔlɔ.
Tumu korilenw fura ascaris (tumu min bɛ wele ko asikari, ascaris) ani nugulatumuw fura oxyures (tumu jurujan oxyure, ani min bɛ kɛ den kɔnɔ Enterobius vermicularis).
A dilannen don ka kɛ piperazini sitarati, taritarati idarati adipati walima fɔsifati ye:
Ni tumu korilen don, a tata hakɛ ka kan ka caya furakɛli tile 2 fɔlɔ kɔnɔ. Ni nugulatumu don a bɛ ta don o don fo dɔgɔkun kelen nka a tata hakɛ tɛ caya barisa kɔlɔlɔ dɔɔni bɛ a tali la.
Ni tumu korilen don, piperazini tata hakɛ: (kilogaramu 1 o kilogaramu 1, miligaramu 75 don o don) miligaramu 500 furakisɛ walima a jima mililitiri 5.
A bɛ ta siɲɛ 1 don o don fo tile 2.
Ni tumu jurujan don, piperazini tata hakɛ: (kilogaramu 1 o kilogaramu 1, miligaramu 40 don o don)
A bɛ ta siɲɛ 2 don o don fo dɔgɔkun 1
A furakisɛ miligaramu 500 bɛ sɔrɔ walima a jima garamu 1 mililitiri 5 la
Kɔlɔlɔ caman bɛ cabɛndazɔli la ka tɛmɛ mebɛndazɔli (mébendazole) ni alibɛndazɔli (albendazole) kan, o de kama ale tali bɛ wajibiya tumuw furakɛli la ni fura kofɔlen fila ninnu ma sɔrɔ, walima ni tumubana tɛ nugu kɔnɔ.
A bɛ se ka ta walasa ka tumu suguya saba furakɛ ni olu ye jolidɛsɛtumu, kɔnɔbolitumu ani kɔnɔnugutigɛ tumu. Cabɛndazɔli fana bɛ kɛ ka kɔnɔnatumuw furakɛ, nka piperazini (pipérazine) kɔlɔlɔ ka dɔgɔn ka tɛmɛ ale ta kan. A fana bɛ se ka kɛ ka sɛgɛlɛn furakɛ, a jɔda fana ka bon lɛlatumu furakɛli la.
Aw ye aw janto nin na. Cabɛndazɔli tali bɛ kɛ sababu ye kɔnɔnatumu ka yɛlɛ mɔgɔ ngɔɔnɔ fɛ. O bɛ gɛlɛya don a tigi ninakili la. O la sa, ni aw sigara ko kɔnɔnatumu kɔrilen bɛ mɔgɔ kɔnɔ ka fara tumu suguya wɛrɛw kan, a ka fisa aw ka furakɛli daminɛ ni piperazini ye ka kɔn cabɛndazɔli ɲɛ.
A tali kɔlɔlɔw: tuma dɔ la cabɛndazɔli bɛ gɛlɛya dɔw lase mɔgɔ ma: a tigi bɛ sɛgɛn, ka a kɛ i n’a fɔ a man kɛnɛ, ani a bɛ fɔɔnɔ waati dɔw la.
Cabɛndazɔli tata hakɛ ye (kilogaramu o kilogaramu, miligaramu 25 don o don): miligaramu 500 kisɛ walima a jima garamu 1 mililitiri 5 la
Aw bɛ a di siɲɛ 2 don o don fo tile 3. A kisɛ ka kan ka ɲimi.
A di o di:
Izinitigiw ka tɔgɔ dalen: (antiminiti, Antiminth, kobantirili, Cobantril, ɛlimɛkisi, Helmex, pinikisi, Pin-X)
Pirantɛli bɛ kɛ ka kɔnɔnatumumisɛnni (Oxyure) furakɛ, kɔnɔnatumuɲinma (Ankylostome), ani kɔnɔnatumuni (Ascaris). Ale de sɔngɔ ka teli ka caya. A bɛ to ka fɔɔnɔnege don a tigi la, ka ɲɛnamini bil’a bila a la walima kunkolodimi. I kana sɔn ka a di mɔgɔ ma min bɛ ka pipɛrazini (ntumukɛlɛfura sugu wɛrɛ) ta.
Kɔnɔnatumuɲinma (Ankylostome) ni kɔnɔnatumuni (Ascaris) kama: aw bɛ diko kelenpe de kɛ.
Kɔnɔnatumumisɛnni (Oxyure) kama: aw bɛ diko kelen kɛ ka dɔgɔkun 2 lafilɛ ni ka sɔrɔ ka diko wɛrɛ kɛ.
Aw bɛ mg 10 di kilogaramu la. Ni den girinya dɔnfɛɛrɛ t’i bolo, aw bɛ di ni a sisan dalilu ye