Sisan furakɛli la

Walasa ka sisan kunbɛn ani ka a furakɛ ka ɲɛ, aw bɛ gafe ɲɛ Sisan lajɛ. Sisan bɛ mɔgɔ minnu na, sisanfura man kan ka ban olu bolokɔrɔ. Kabini aw bɛ sɔmi sisan taamasiɲɛw fɔlɔw la ni o ye ninakili fereke ye, aw bɛ fura ta.

Salibitamɔli, Salbutamol

Walasa ka a furakɛ ani ka a kunbɛn

Salibitamɔli samata hakɛ:

Sisan daminɛtɔ la, aw bɛ fura fiyɛta samako 1 kɛ ka se 2 ma lɛri 4 o lɛri 4 ka se lɛri 6 ma fo ka ninakilifereke jɔ. Aw bɛ a caman fiyɛ ni ninakili fereke ka jugu

Sani sisantɔw ka farikoloɲɛnajɛ kɛ, a bɛ fura in fiyɛ lɛri ½ ka kɔn, a bɛ a fiyɛko 2 kɛ miniti 15 ka se miniti 30 ma.

Ni banna cunnen don, aw bɛ samako 2 kɛ ka se 4 ma miniti 20 o miniti 20.

Salibitamɔli jilama tacogo: a miligaramu 2 ji mililitiri 5 la:

Ni aw bɛ salibitamɔli ta tuma bɛɛ, aw farikolo bɛna deli a la, o kama aw bɛ hakɛ kɔrɔ min ta fo aw ka dɔ fara o kan, o de bɛ a to a tɛ mako ɲɛ aw ye fana. Sisan juguman bɛ mɔgɔ minnu na, a ka fisa olu ka salibitamɔli sama tuma bɛɛ ni minɛn ye min bɛ wele ko bekulometazɔni (beclomethasone), o bɛ u ka furagazi samata hakɛ bɛrɛ bɛn.

Musolasiritɔw ka kan ka u ka sisan kunbɛn ani ka a furakɛ sani a ka se ninakilifereke ma. Den bɛ muso minnu sin na, olu bɛ se ka salibitamɔli sama nka u ka a kɛ hakɛ la.

Salibitamɔli bɛ se ka farikoloyɛrɛyɛrɛ, jatigɛ, ɲɛnamini, dusukuntantan teliyali ani kungolodimi bila mɔgɔ la. A jilama fana bɛ se ka kɔnɔdimi ni fɔɔnɔ bila mɔgɔ la.

Ni sisan ni dusukunnabana bɛ aw la, aw kana nin fura ninnu ta ni dɔgɔtɔrɔ ka yamariya tɛ: beta bulokɛri bêta-bloquant, u bɛ i n’a fɔ atenɔli atenolol, metoporolɔli metoprolol, poroparanɔli propranolol walima olɔli “olol” bɛ fura minnu tɔgɔ laban na.

Bekulometazɔni, Béclométhasone

A samata bɛ sɔrɔ ninakili kama, mikɔrɔgaramu 50 walima 250 bɛ a bara kelen kelen bɛɛ kɔnɔ.

Sisanfura ɲuman min bɛ fiɲɛ tɛmɛsira ni fogonfogon bali ka funu ani ka u tanga.

Denmisɛnniw ni balikuw ka bekulometazɔni samata hakɛ:

Aw bɛ a mikɔrɔgaramu 50 bara fiyɛko 2 kɛ ka se 4 ma siɲɛ 2 don o don. Ni aw ye mikɔrɔgaramu 50 gazi sama ka tɛmɛ fiyɛko 4 kan siɲɛ 3 tile kɔnɔ, o da ka nɔgɔ ani fana o ka fisa ni a mikɔrɔgaramu 250 samata fiyɛko 1 ye ka se 2 ma.

A ka fisa aw ka bekulometazɔni ta salibitamɔli talen kɔ, barisa salibitamɔli bɛ fiɲɛsiraw dayɛlɛn, o bɛ a to bekulometazɔni bɛ don u fɛ ka ɲɛ.

Bekulometazɔni tɛ sisan kɛnɛya, nka a bɛ a bali ka juguya ni o ye a sɔrɔ aw bɛ a sama don o don tile 3 ka se tile 7 ma, aw bɛna a ye ko fisaya bɛka don bana na.

Musolasiritɔw ka kan ka u ka sisan kunbɛn ani ka a furakɛ sani a ka se ninakilifereke ma. Denbatigiw bɛ se ka bekulometazɔni sama, nka u ka a dan hakɛ la.

Ni safa bɛ aw da kɔnɔ (aw ye gafe ɲɛ Nɔ walima tomi jɛmanw dakɔnɔna na lajɛ), aw bɛ a furakɛ ni nisitatini ye walima nikonazɔli, miconazole (aw ye gafe ɲɛ Nisitatini, Nystatine lajɛ). Fura in kɛ o kɛ aw da kɔnɔ ni aw tilala, aw kana ɲinɛ ka aw da sanango.

Ja

Aw bɛ fura sama ni a bara ye. Ni aw ma datuguna don aw ka furasamabara la, aw ka fura fanba bɛɛ bɛ jigin aw nɛ kɔrɔ ani aw kan kɔnɔ, a tɛna se aw fogonfogon la o yɔrɔ min mako bɛ fura la kosɛbɛ. Aw bɛ fura sama kosɛbɛ wo fɛ walasa a caman ka se fogonfogon la. Ni wo tɛ aw ka gasi samanan na, nin ye a dilancogo 2 ye.

Peredinizolɔni walima Peredinizɔni, Prednisolone ou Prednisone

A bɛ se ka kɛ

Peredinizolɔni ni peredinizɔni ye dimimadafura farimanba ye min bɛ se ka sisan juguman furakɛ.

Aw ye a janto nin na: peredinizolɔni ni peredinizɔni ka kan ka kɛ ka sisan jugumanba de furakɛ. Fura ninnu kɔlɔlɔ bɛ se ka bonya kosɛbɛ, kɛrɛn­kɛrɛnnenya la ni aw ye u ta ka tɛmɛ dɔgɔkun damadɔ kan. Ani fana u bɛ farikolo dɛsɛ ka banamisɛnniw kɛlɛ, u bɛ se ka jatigɛ bila aw la ani ka aw bali ka sunɔgɔ.

Peredinizolɔni ni peredinizɔni tata hakɛ sisan jugumanba furakɛli la.

Aw bɛ a takofɔlɔ di joona joona, okɔ aw bɛ a ta sɔgɔma o sɔgɔma tile 3 ka se tile 7 ma. A tako kelen kelen bɛɛ la:

Aw kana a di ka tɛmɛ miligaramu 60 kan tile kɔnɔ.

Epinefirini, Épinéphrine

Dɔw b’a wele fana ko aderenalini, adrénaline

Tuma dɔw la a anpululama miligaramu 1 bɛ sɔrɔ mililitiri 1 na

Epinefirini ka kan ka ta:

  1. Sisan jugumanba la ni banabagatɔ ninakili bɛ ka fereke ani ni fura wɛrɛ sɔrɔcogo tɛ aw bolo.
  2. Faritanabana jugumanba walima degun min sɔrɔla penisilini, nɛgɛtigɛbana pikiri walima fura wɛrɛw minnu dilanna ni so sɔrɔmu ye (aw ye gafe ɲɛ Gɛlɛya minnu bɛ sɔrɔ fura dɔw pikiri fɛ lajɛ).

Epinefirini pikiri kɛta hakɛ sisan na, aw bɛ a anpulu miligaramu 1 kɛ mililitiri 1 ji la.

Ja

Aw ka kan ka dusukun tantankan jate fɔlɔ, o kɔ aw bɛ a pikiri kɛ wolo kɔrɔ:

Aw bɛ se ka segin ka o hakɛ kelen kan miniti 30 ni a ɲɛci bɛ yen siɲɛ 3 tile kɔnɔ.

Epinefirini pikiri kɛta hakɛ faritanabana jugumanba la, aw bɛ a anpulu miligaramu 1 kɛ mililitiri 1 ji la.

Aw bɛ sɔrɔ ka o kɛ sogobu la:

Ni aw yɛrɛ bɛ a dɔn ko banabagatɔ mako bɛ fura la halibi, aw bɛ se ka diko filanan kɛ miniti 30 diko fɔlɔ kɔfɛ, ani diko sabanan miniti 30 wɛrɛ diko filanan kɔfɛ. Aw kana tɛmɛ diko 3 kan. Nka ni dusukun tɛmɛna tantanko 30 kan miniti kɔnɔ pikiri fɔlɔ kɔfɛ, aw kana pikiri wɛrɛ kɛ a tigi la.

Ni aw bɛ penifirini pikiri kɛ, aw ye aw janto aw kana tɛmɛ hakɛ kofɔlen kan.

Metopamizini, Métopimazine

Izinitigiw ka tɔgɔ dalen: wogalɛni (Vogalène)

A bɛ se ka kɛ

Nin ye fɔɔnɔ fura ɲuman ye. A ka fisa ni kɔnɔboli walima fɔɔnɔ bɛ banabagatɔ la, walasa ka a Farikolojidɛsɛ kunbɛn.

Kɔlɔlɔw

Metopamizini bɛ se ka kɔnɔmagaya lase mɔgɔ ma, walima kɔnɔboli, daji jali, ani sɛgɛn. Ni aw yɛ fura ninnu ta, aw kana mobili boli walima faratila baara kɛ i n’a fɔ masinina baaraw.

A’ y’aw janto nin na :

Muso kɔnɔma walima den bɛ muso min sin na, o tigi man kan ka metopamizini ta, fo ni a ɲɛci bɛ.

Tacogo :

Aw bɛ metopamizini ta miniti 15 dumunikɛ kɛlen kɔfɛ.

📖 Gafe kɔnɔkow
← Segin kɔfɛ | Taa ɲɛfɛ →