Sigida 5 Ka kɛnɛya ka sɔrɔ i ma fura ta

Sigida 5
Ka kɛnɛya ka sɔrɔ i ma fura ta

Bana caman bɛ yen, minnu bɛ kɛnɛya ka sɔrɔ fura ma ta u la. Tangalanw walima fɛɛrɛ wɛrɛw bɛ an yɛrɛ farikolo la minnu bɛ a to a ka fanga sɔrɔ ani ka bana kɛlɛ. A ka ca a la, o tangalanw nafa ka bon kɔsɛbɛ an ka kɛnɛya ma ka tɛmɛ furaw kan.

An ka banaw fanba kɛnɛya, mura ni murasɔgɔsɔgɔ sen bɛ o la,
ka sɔrɔ ma fura ma kɛ u la.

Walasa ka an farikolo dɛmɛ ka bana kɛlɛ, an ka kan ka fɛn nafama minnu kɛ olu de filɛ:

ka an saniya

ka an saniya

ka an lafiɲɛ

mɔgɔ dalen don

ka dumuni ɲuman kɛ kɔsɛbɛ ani ka jimafɛn caman min

cɛ bɛ ka sɔgɔ dun

Hali ni bana min ka jugu kɔsɛbɛ, ni fura jɔyɔrɔ ka bon, farikolo de fɔlɔ ka kan ka a jɔyɔrɔ fa bana kɛlɛli la, fura bɛ a dɛmɛ dɔrɔn de. Saniya, lafiya, ani dumuni nafama ni a dafalen dunni nafa ka bon kɔsɛbɛ.

Furakɛliw caman bɛ se kɛ ka sɔrɔ fura tɛ. Hali ni tubabufura tɛ sɔrɔ aw ka sigida la, aw bɛ se ka fɛn caman kɛ sisan banaw kunbɛnni ni u furakɛli la ni o ye a sɔrɔ a kɛcogo dɔnniya bɛ aw la.

Bana caman bɛ se ka kunbɛn walima ka u furakɛ ka sɔrɔ fura tɛ.

Ni mɔgɔ tun bɛ ji labaara cogo kalan ka ɲɛ, hali ka dan o dɔrɔn ma, o tun bɛ se ka bana caman kunbɛn walima ka u kɛlɛ ka ɲɛ ka tɛmɛ furaw kan, an bɛka minnu ta sisan ni mɔgɔw bɛ u ta tacogo jugu la.

Ka furakɛli kɛ ni ji ye

An caman bɛ se ka kɛnɛya ka sɔrɔ fura tɛ. Nka an si tɛ se ka balo ni ji tɛ. Aw ka a dɔn ko, (kɛmɛ kɛmɛ sara la baliku farilaji hakɛ ye 57 ye, denmisɛn ta ye 70 ye), o bɛ a jira ko adamaden farikolo tila bɛɛ ye ji ye. Mɔgɔ minnu sigilen don togodaw walima dugumisɛnw na, ni olu bɛɛ tun bɛ ji labaara ka ɲɛ, caman tun bɛ bɔ bana ni saya hakɛ la, kɛrɛn­kɛrɛnnenya la denmisɛnw.

Ja

Banakunbɛn

Misali la, ji sanuman minni jɔyɔrɔ ka bon kɔnɔboli kunbɛnni ni a kɛlɛli la. Yɔrɔ caman na, kɔnɔboli ye denmisɛnw ka bana ni u ka saya fanba sababu ye. A ka ca a la, jinɔgɔlen, minni ye a sababu ye.

Minniji wulili ani tobilikɛji saniyali nafa ka bon kɔnɔboli kunbɛnni na. O nafa ka bon kɛrɛn­kɛrɛnnenya na denw ma. Biberɔnw, asɛtiw, kutuw o ni a ɲɔgɔnnaw fana ka kan ka tobi. Ka aw tɛgɛw ko ni safinɛ ni ji ye aw bɔlen kɔ ɲɛgɛn na, sani aw ka dumuni kɛ walima ka dumuni tobi, olu ye walew ye minnu fana nafa ka bon kɔsɛbɛ.

Farilajidɛsɛ jugumanba min bɛ sɔrɔ kɔnɔboli fɛ, o ye denmisɛn caman ka saya sababu ye (sɛbɛn ɲɛ Farijidɛsɛ). Ka ji caman di denmisɛn kɔnɔbolitɔ ma (sukaro, di ni kɔkɔ bɛ ji min na), tuma dɔw la, o bɛ se ka farilajidɛsɛ bali walima ka a jɔ (aw ye kɛnɛyajji yɔrɔ lajɛ, sɛbɛn ɲɛ Kɛnɛyaji la)

Banaw furakɛli

Banaw furakɛli

Ka jimafɛn caman di den kɔnɔbolitɔ ma, o nafa ka bon ni fura sugu bɛɛ dili ye a ma. O de la, ni aw bɛ jimafɛn caman di denmisɛn kɔnɔbolitɔ ma, kun tɛ a la ka fura di a ma tuguni.

Sɛbɛn ɲɛ nata la, waleya wɛrɛw jiralen don yen minnu bɛ a jira ko ji sanuman minni nafa ka bon ka tɛmɛ furaw kan.

📖 Gafe kɔnɔkow
← Segin kɔfɛ | Taa ɲɛfɛ →