Ale kɛrɛmu walima a munitulu bɛ sɔrɔ.
A bɛ kɛ ka maɲa ni ɲimi furakɛ.
Ni ɲimi don, aw bɛ kun ko ani ka a to ji ka ja ani ka a fara ɲɔgɔn kan sani aw ka bɛnzili bɛnzoyati kɛ a la. Aw bɛ caman mu kun na. Aw bɛ a to yen fo lɛri 24 ka sɔrɔ ka a ko ni ji wɔlɔkɔlen ni safinɛ ye walima safinɛji. Kunsigi sanankolen kɔ, aw bɛ a sawu walasa ka ɲimifanw ni u faraw bɔ kun na. Ni ɲimi ka ca, aw bɛ nin kɛ siɲɛ 2 walima 3 nka aw bɛ lɛri 24 don u ni ɲɔgɔn cɛ.
Ni maɲa don, aw bɛ aw ko ka ɲɛ, o kɔ aw bɛ bɛnzili bɛnzoyati mu aw fari fan bɛɛ la ka a ta aw kan na fo sentɛgɛ. Aw bɛ fura in to aw la fo lɛri 24 ka sɔrɔ ka aw ko ni ji wɔlɔkɔlen ni safinɛ ye. Aw bɛ aw jɔsi ka ɲɛ ni fini jalen ye. Ni maɲa ka jugu, aw bɛ segin nin furakɛli kan siɲɛ 1 tile 5 furakɛli fɔlɔ kɔ.
Ɲimi ni maɲa bɛ denmisɛnni minnu na, olu ka fura muta hakɛ:
Izinitigiw ka tɔgɔ dalen: akitisini (Acticin), elimiti (Elimite), nikisi (Nix).
A suguya caman bɛ feere. Ni maɲa don, aw bɛ pɛrimetirini 5% kɛrɛmu mu. Ni ɲimi don, aw bɛ kun ko ni safinɛji ye pɛrimetirini 1% bɛ min na.
Ni maɲa don, nin de ye a fura ɲuman ye (nka ni o ye a sɔrɔ sidabanakisɛ bɛ aw la, aw bɛ iwɛrimɛkitini ta, aw ye gafe ɲɛ Iwɛrimɛkitini, Ivermectin lajɛ).
Ni maɲa don, aw bɛ aw ko ka ɲɛ, o kɔ aw bɛ Pɛrimetirini mu aw fari fan bɛɛ la ka a ta aw kan na fo sentɛgɛ. Aw bɛ fura in to aw la fo lɛri 10 ka se lɛri 14 ma ka sɔrɔ ka aw ko ni ji wɔlɔkɔlen ni safinɛ ye. Aw bɛ aw jɔsi ka ɲɛ ni fini jalen ye. Aw bɛ segin nin furakɛli kan dɔgɔkun 1 furakɛli fɔlɔ kɔ. Aw bɛ dudenw bɛɛ furakɛ walasa ka u tanga a ma.
Ni ɲimi don, pɛrimetirini bɛ safinɛji dɔw la (nikisi). Aw bɛ furaforokoni kalan sani aw ka a fura in kɛ aw la, a ka ca a la a ɲɛfɔlen don ko a ni piretirini piperonili taw ka kan ka kɛ kelen ye minnu bɛ wele ko iridi (rid).
Izinitigiw ka tɔgɔ dalen: korotan, Crotan, erakisi, Eurax.
Tuma dɔ la korotamitɔn 10% kɛrɛmulama walima munitululama bɛ sɔrɔ.
Maɲa dɔrɔn fura de don, nka aw kana a kɛ ka denmisɛnni furakɛ, den min si tɛ san 3 bɔ. A ni pɛrimetirini bɛɛ kɛcogo ye kelen ye, nka aw kana a ko ka bɔ fari la. Aw bɛ a muniko filanan kɛ lɛri 24 kɔfɛ. Aw bɛ a ko tile 2 muni laban kɔfɛ. Aw bɛ aw donfiniw ni dilannafiniw falen o waati kelen. Korotamitɔn tɛka se ka bana furakɛ sisan, o bɛ a jira ko a tɛ mako ɲɛ tuma bɛɛ.
Ni aw ma maɲafura kofɔlenw sɔrɔ, aw bɛ a furakɛ ni nin ye. Aw bɛ kiribi dɔ ni wazelini, ni duntulu walima situlu ɲagami ɲɔgɔn na min bɛ kɛ kiribi 5% munitulu ye.
Piretirini ni piperinili bitɔkisidi ɲagaminen jilama bɛ sɔrɔ.
Ale bɛ se ka ɲimi suguya bɛɛ furakɛ. Aw bɛ a gansan mu aw kun na ka sɔrɔ aw ma ji kɛ a la ka a to a ka kunsigi bɛɛ labɔ. (aw kana a kɛ aw ɲɛsiw la.) A man kan ka tɛmɛ miniti 10 kan aw kun na. Aw bɛ aw kun ko ni jiwɔlɔkɔlen ni safinɛ ye walima safinɛji. Aw bɛ segin nin wale in kan dɔgɔkun 1 kɔfɛ. Furakɛli kɔfɛ aw bɛ aw kannafiniw ni aw ka dilannafiniw falen. Walasa ka ɲimifan bɛɛ latunu, aw ye gafe ɲɛ Ɲimiw furakɛcogo lajɛ.