Bugubana caman furakɛ ka gɛlɛn. Walasa ka furakɛli dafa, a ka kan ka mɛn senna tile walima kalo caman bana taamasiɲɛ tununen kɔ. Farikolo koli ni a saniyali fana nafa ka bon.
Munitulu dilannen ni nin kumuw ye, o bɛ se ka kɛ ka wololabana, ni kaba ani wololabana wɛrɛw furakɛ. A tulu ni kiribi bɛ se ka fara ɲɔgɔn kan tuma dɔw la. Munitulu dilannen ni kumu ni kiribi ye, o bɛ se ka kɛ ka farifoolobɔ furakɛ.
La pommade de Whitfield ye tulu ye salisiliki ni bɛnzoyiki kumuw faralen don ɲɔgɔn kan tulu min na. A nafa ka bon wololabugu caman furakɛli la, ka fara bugubana suguya caman kan. Aw bɛ a mu a yɔrɔ la siɲɛ 2 tile kɔnɔ ka a ta dɔgɔkun 2 ka se dɔgɔkun 4 ma.
Ni aw yɛrɛ ye munituluw ni kɛrɛmuw dilan o musaka tɛcaya. Aw bɛ asidi salisiliki dɔ ta walima asidi bɛnzoyiki dɔ, ka o ɲagami wazelini, petorolatumu, tulu dɔ la, walima aw bɛ a ɲagami alikɔli 40% la. Aw bɛ a mu aw fari la siɲɛ 4 don o don.
Aw bɛ Kiribi dɔɔni ni winɛgiri dɔɔni ɲagami ka o kɛ ka wololabugubanaw furakɛ. Aw bɛ a to a ka ja fari la. A munitululama fana bɛ se ka dilan ni kiribi dɔɔni ni situlu ye.
A kisɛlama jɛman, feereta bɛ sɔrɔ fototaminɛw feereyɔrɔw la, i n’a fɔ ’ipo.’
A bɛ kɛ ka wololazanfala furakɛ (aw ye gafe ɲɛ Kaba furakɛcogo lajɛ).
Aw bɛ dumunikɛkutu ɲɛ 1 ipo ɲagami bɔlini ɲɛ ½ ji la ka o jɔsi aw fari la ni kɔimugu ye walima finimuguni dɔ. O kɔ, aw bɛ kɔrimugu su winɛgiri la ka aw fari jɔsi ni o ye. Aw bɛ nin wale kɛ siɲɛ 2 tile kɔnɔ fo kurukuruniw ka tunu, o kɔ aw bɛ a jɔsi aw fari la siɲɛ 1 dɔgɔkun 2 o dɔgɔkun 2 walasa a kana segin kɔ.
A munita 1% walima a 2,5% bɛ sɔrɔ.
Nin munitululama ka fisa zanfala furakɛli la. Aw bɛ a mu a yɔrɔ la ani ka a ko miniti 30 kɔfɛ. Aw bɛ nin wale kɛ don o don fo dɔgɔkun 1.
Tɔlinafitati kɛrɛmulama ni a mugulama ni a jilama 1% bɛ sɔrɔ.
A bɛ se ka kɛ ka bugubanaw furakɛ, bugubana minnu bɛ bɔ sen ni worofurancɛw ni kun ni bolow ani fari fan wɛrɛw la. Aw bɛ fura in kɛ aw la fo dɔgɔkun 2 bana taamasiɲɛw tununen kɔ.
A kisɛlama walima a forokonilama miligaramu 250 ni miligaramu 500 bɛ sɔrɔ.
A kisɛ misɛnniw de ka ɲi
Nin fura in wari ka ca wa a ka kan ka kɛ ka bugubanaw de furakɛ ani wololabana jugumanw. A bɛ kɛ ka sɔnninakabaw furakɛ nka a furakɛli bɛ se ka mɛn fo kalo caman wa a fura tɛ mako ɲɛ tuma bɛɛ. Musokɔnɔma man kan ka girizeyofiliwini ta.
Girizeyofiliwini tata hakɛ (kilogaramu kelen o kilogaramu kelen, miligaramu 15 tile kɔnɔ) kisɛ misɛnniw forokonilama miligaramu 250.
Aw bɛ a ta siɲɛ kelen don o don fo kalo kelen ɲɔgɔn.
(gafe ɲɛ Furabilenni, Violet de gentiane)
Nisitatini ye fura ɲumanba ye dakɔnɔjoliw, sinnunkunnajoliw, gololajoliw walima musoya kɔnɔ joliw furakɛli la. Dakɔnɔjoliw ta furajilama bɛ sɔrɔ, nka musoya kɔnɔ joliw bɛ furakɛ ni a muguma, munituluma walima furakisɛlama ye.
A bɛ se ka fariŋɛɲɛ bila mɔgɔ la, nka tuma bɛɛ tɛ. Aw bɛ a tacogo jɔ ni a ye fariŋɛɲɛ bila aw la. Waati dɔw la, a bɛ se ka kɔnɔboli bila mɔgɔ la.
Ni nisitatini ma se ka bana in ban, a bɛ taa ka segin, o bɛ se ka kɛ sidabana taamasiɲɛ dɔ ye.
A jima hakɛ 100.000 bɛ sɔrɔ mililitiri o mililitiri la (walima hakɛ 500.000, mililitiri o mililitiri).
A ka ca a la hakɛ 100.000 fo ka se hakɛ 200.000 ma, o bɛ mako ɲɛ, nka sidabanabagatɔw mako bɛ se hakɛ 500.000 ma.
Aw bɛ jima hakɛ 200.000 (mililitiri 2, a tɛ dumunikɛkutu ɲɛ tila bɔ) di a ma siɲɛ 4 don o don. A bɛ nisitatini kɛ a da kɔnɔ ni kɔɔrimugu walima tɔnikɛlan dɔ ye. Aw bɛ tɛmɛ ni furakɛli ye tile 2 bana bannen kɔfɛ, n’o tɛ a bɛ segin kɔ.
Aw bɛ nisitatini hakɛ 100.000 fo a hakɛ 200.000 muta, a muguma walima a jima dɔ kɛ a sinnunkunw na siɲɛ 4 don o don.
Aw bɛ to a yɔrɔka ja kosɛbɛ ka sɔrɔ ka nisitatini mu a la walima mikonazɔli mugu walima a tuluni siɲɛ 4 walima siɲɛ 5 don o don.
Aw bɛ dɔ don musoya la don o don siɲɛ, walima Aw bɛ a kisɛ musoya la su o so. Ni mikonazɔli kisɛ miligaramu 200 don, Aw bɛ o don siɲɛ 3 don o don. Nisitatini kisɛ hakɛ 100.000 don, tile 14.