Walasa ka nu gerennen dayɛlɛ, a ka fisa tuma dɔw la ka kɔkɔ dɔɔni kɛ ji la ka o foron, i n’a fɔ a ɲɛfɔlen don gafe ɲɛ Nu gerenni ni nuji bɔli la cogomin. Tuma ni tuma nudayɛlɛfura tonita bɛ se ka kɛ nu kɔnɔ, i n’a fɔ nin cogo la.
Nin fura ninnu bɛ se ka nugeren ni nujibɔ furakɛ kɛrɛnkɛrɛnnenya la ni tulodimi bɛ a tigilamɔgɔw la
Nu gerennen dayɛlɛli furaji tonita hakɛ:
Aw bɛ fura toniko 1 walima 2 kɛ nu kelen kelen bɛɛ kɔnɔ i n’a fɔ a jiralen don gafe ɲɛ Nu gerenni ni nuji bɔli na cogomin. Aw kana a toni ka tɛmɛ tile 3 kan wa fana aw kana aw yɛrɛ deli a la.
Ni aw b’a fɛ ka nudayɛlɛli furaji tonita dilan ni efedirini furakisɛ ye, aw bɛ a furakisɛ 1 yeelen kafeminkutu ɲɛ kelen ji la.