A mugulama bɛ sɔrɔ. A bɛ a ta tacogo la min ɲɛfɔlen don a buteli kan, walima aw bɛ a ɲagami wɛri ɲɛ 1 ji la walima jiridennɔnɔ ka sɔrɔ ka o bɛɛ min.
Sharibɔn bɛ pɔsɔnni baga sama ani ka a tɔɔrɔ dɔgɔya. A bɛ a ka baara kɛ ka ɲɛ ni a tara pɔsɔnni dunnen nɔgɔni fɛ. Aw kana fura in di ni asidi farinman, sɛgɛba, gazuwali, walima petɔrɔli sera mɔgɔ kɔnɔ.
Sharibɔn tata hakɛ, lɛri 1 pɔsɔnni selen kɔ mɔgɔ kɔnɔ:
Walasa ka pɔsɔnni baga faga ka bɔ mɔgɔ farikolo la baga donnen kɔ joli la:
Misali la, ni den girinya ye kilogaramu 6 ye, aw bɛ sharibɔn garamu 6 di a diko fɔlɔ la, ani garamu 3 lɛri 2 ka se lɛri 4 ma o kɔfɛ.
Atoropini bɛ kɛ ka binfagalan, fɛnɲɛnamafagalan gazi dɔw baga kɛlɛ. Aw kana fura in kɛ aw la fiyewu, fo ni a kan sɛbɛn y’a jira ko aw ka a kɛ walima fo ni aw b’a kɛ ka suli baga kɛlɛ. A fura kɛta hakɛ bɛ sɔrɔ baga fanga hakɛ de fɛ. Misali la, baga sɔrɔlen dumuni fɛ, o fura tɛ caya ka ka kɛ i n’a fɔ baga sɔrɔlen bagaminɛw fɛ.
Sunɔgɔsuya, hakili cawucawu, kungolodimi, nalo tali ani kɔnɔmagaya.
Aw bɛ a tigi bila sumamayɔrɔ la fura talen kɔ.
Aw bɛ pikiri kɛ sogobu fɛ (bobara walima woro la):
Ni banabagatɔ fari bilenna, k’a ja, ani k’a ɲɛjɛ bonya, aw bɛ fura in kɛli jɔ.
Ni baga jugumanba don, aw bɛ hakɛ dita fɔlen ninnu ɲɔgɔn 2 di a tigi ma.
Deferɔkizamini bɛ kɛ baga kɛlɛ, baga min sɔrɔla nɛgɛ fɛ, a bɛ nɛgɛ baga faga ka bɔ joli la.
A bɛ bugu bila ɲɛ na ani ka hakili ɲagami.
Aw kana a fura di komokilidimitɔ ma, walima ni a tigi tɛ se ka sugunɛkɛ. Aw kana a di ni den tɛ san 3 bɔ.
Aw bɛ pikiri kɛ sogobu fɛ (bobara la walima woro la). Aw bɛ a pikiri miligaramu 50 kɛ a tigi la lɛri 6 o lɛri 6. Aw kana a pikiri tɛmɛ garamu 6 kan tile kɔnɔ. Ni aw ma se k’a tigi girinya dɔn, aw bɛ pikiri hakɛ kaɲɛ ni a tigi si ye:
Ni asetaminofɛni tata hakɛ cayara ni hakɛ fɔlen ye, aw bɛ a baga kɛlɛ ni Asetilisisiteyini ye. Kilogaramu o kilogaramu, a dantɛmɛnen baliku la, o ye miligaramu 7000 ye, denmisɛnni ta ye miligaramu 140 ye. Asetilisisiteyini kasa ka gɛlɛn, ni aw ye a ɲagami jiridennɔnɔ dɔ la, o bɛ a minni diya.
Kilogaramu o kilogaramu, aw bɛ Asetilisisiteyini miligaramu 140 fura dunta di a tigi ma. lɛri 4 kɔfɛ, aw bɛ a miligaramu 70 di a ma ani ka tɛmɛ ni o hakɛ kelen in dili ye lɛri 4 o lɛri 4 fo diko 17. Fura dilen kɔ ni a tigi fɔɔnɔna lɛri kelen kɔnɔ, aw bɛ segin ka fura in di a ma.
Nalɔkizɔni bɛ kɛ ka dimimadafuraw baga kɛlɛ i n’a fɔ mɔrifini (sunɔgɔfura), eroyini, metadɔni, opiyɔmu, ɔkisikodɔni ani o ɲɔgɔnna caman. Aw bɛ nalɔkizɔni di a tigi ma fo k’a kɛ a ka se k’a ninakili nɔgɔya la. A furakɛli fanga ka bon barisa a bɛ se ka kɛ fo aw ka toka fura di miniti 20 o miniti 20 ni o y’a sɔrɔ ninakili ka gɛlɛn a ma.
Fɔɔnɔnege, fɔɔnɔ, wɔsili ani degun jugumanba.
Sojuyɔmu nitiritilama bɛ kɛ ka gazi siyaniri baga kɛlɛ a sojuyɔmu tiyosulifatilama. A pikiri bɛ kɛ jolisira fɛ. Nka aw kana a pikiri kɛ k’a sɔrɔ a kɛli ɲɛdɔnni tɛ aw la.
Aw bɛ a pikiri kɛ dɔɔni dɔɔni min kuntaala b’a ta miniti 5 la ka se miniti 20 ma.
O kɔ aw bɛ sojuyɔmu tiyosulifatilama tugu a la. A’ sɛbɛn ɲɛ nataw lajɛ walasa ka a dita hakɛw dɔn.
Sojuyɔmu tiyosulifatilama bɛ kɛ ka gazi siyaniri baga kɛlɛ a ojuyɔmu nitiritilama. A pikiri bɛ kɛ jolisira fɛ. Nka aw kana a pikiri kɛ k’a sɔrɔ a kɛli ɲɛdɔnni tɛ aw la.
Aw bɛ a pikiri kɛ dɔɔni dɔɔni min kuntaala ka jan ni miniti 10 ye.