Fenobaribitali ni fenitoyini (phénytoïne) ye furaw ye minnu bɛ kɛ ka binnibana kirinni kunbɛn ka caya. A fura tɔw da ka gɛlɛn, u bɛ sɔrɔ tuma dɔw. Dɔgɔtɔrɔw bɛ fura fila sɛbɛn mɔgɔw kun tuma dɔw la walima min ka ca ni o ye. Ka a sɔrɔ, fura kelen bɛ baara min kɛ, fura caman bɛ o baara kelen de kɛ walima ka tɛmɛ o kan wa o kɔlɔlɔ man bon.
Kirinnifuraw tali ka ɲi da tuma de la, barisa u bɛ sunɔgɔ bila mɔgɔ la. Aw bɛ se ka jazepamu di walasa ka kirinni furakɛ min mɛnna senna walima musokɔnɔma ni jigibatɔ ka ɲɛnamini, nka a ka ca a la fura ninnu tɛ ta don o don. Maɲeziyɔmu silifatilama bɛ se ka di walasa ka kirinni lajɔ.
Izinitigiw ka tɔgɔ dalen luminali, Luminal.
Tuma dɔw la, a bɛ kɛ
Fenobaribitali bɛ ta walasa ka ɲɛnamini kunbɛn. Kirikirimasiɲɛtɔ ka kan ka fura ta tuma ni tuma a ka ɲɛnɛmaya bɛɛ. Aw bɛ a tata hakɛ dɔgɔya min bɛ kirinni kunbɛn;
Aw ye aw janto nin na: fenobaribitali tata hakɛ mana caya, o bɛ se ka ninakili sumaya walima ka a jɔ. A bɛ baara daminɛ farikolo la dɔɔni dɔɔni ka tila ka mɛn senna waati jan (a bɛ se lɛri 24 ma walima ka tɛmɛ o kan ni a tigi tɛka sugunɛ kɛ). Aw bɛ aw kɔlɔsi fura in na a tata kana caya
Fenobaribitali tacogo:
An ma fenobaribitali pikiri kɛta hakɛ di yan barisa a pikiri farati ka bon kojugu. A ka kan ka di mɔgɔ fɛ min bɛ a dilancogo dɔn ani min bɛ se ka a pikiri kɛ fasasira fɛ ka ɲɛ.
A bɛ wele fana ko difenilidantoyini, diphénylhydantoïne. Izinitigiw ka tɔgɔ dalen dilantɛn Dilantin.
tuma dɔw la a bɛ kɛ
Nin bɛ kirikirimasiɲɛ kirinni kunbɛn. A tigiw ka kan ka fura ta u ka ɲɛnɛmaya bɛɛ kɔnɔ. Nka fura tata hakɛ ka kan ka dɔgɔya min bɛ kirinni kunbɛn.
A kɔlɔlɔw: funu, fiɲɛ bilali ɲintara la, o bɛ sɔrɔ fenitoyini tali kutaalajan fɛ. Ni nin bana ninnu ka jugu, aw bɛ fura wɛrɛ ta. Ɲintaralabanaw bɛ se ka kunbɛn ni dakɔnɔna saniyali ye dumuni kɔfɛ.
Hakɛ min bɛ ta tile kɔnɔ, aw bɛ o tila 2 walima 3 ye ka a damakɛɲɛ. Misali la ni denmisɛnni san 4 girinya ye kilogaramu 20 ye, aw bɛ miligaramu 150 di o ma tile kɔnɔ, a tilalen diko 2, o kelen kelen bɛɛ bɛ bɛn miligaramu 75 ma, walima diko 3 miligaramu 50 a kelen kelen bɛɛ.
Ni tata hakɛ in ma se ka kirinni kunbɛn ka ɲɛ, aw bɛ dɔ fara fura dita kan dɔɔni dɔɔni tile 15 o tile 15 fo ka se hakɛ dafalen ma ka bɛn banabagatɔ girinya ma, aw bɛ tata hakɛ tila diko 3 ye tile kɔnɔ ka a damakɛɲɛ.
Ni tata hakɛ in sera ka kirinni kunbɛn, aw bɛ dɔ bɔ fura dita hakɛ la dɔɔni dɔɔni fo ka dita hakɛ dɔgɔya ma min bɛ se ka kirinni kunbɛn.
An ma penitoni pikiri hakɛ ɲɛfɔ. O ka kan ka di mɔgɔ fɛ, min bɛ a pikiri kɛcogo dɔn jolisira fɛ.
Jazepamu bɛ se ka ta kɔnɔɲama nɔgɔman na. Ni kɔnɔɲama kɔtigɛbali (kirikirimasiɲɛ) bɛ mɔgɔ min na, aw bɛ fura sugu wɛrɛ ɲini o kama, min bɛ se ka ta don o don.
Sunɔgɔsuya.
Jazepamu damatɛmɛko jugu bɛ ɲɔnni sennasumaya walima k’a jɔ yɛrɛ. I kana sɔn cogo si la ka tɛmɛ hakɛ laɲininen kan ani i kana sɔn ka diko tɛmɛ siɲɛ fila kan.
Jazepamu ye negeminɛfura (sulifura) ye. Kana sɔn a tali kuntaalajan ma walima a tali sennateliyali ma.
I kana jazepamu pikirikɛ ni aw ma deli a la ani ni aw m’a damanakalan kɛ. A dili man nɔgɔn nɔgɔya kɔnɔ nin cogo la. O mafɛngɛli kosɔn, kɔnɔɲama dɔ sen fɛ, aw bɛ se k’a don den boda fɛ.
Aw bɛ jilama kɛ ka pikirikɛ walima aw bɛ a furakisɛlama den mugu bɔ k’o daji ji la. Aw bɛ biɲɛbara biɲɛyanfan bɔ a la ka sɔrɔ ka bara kɛ ka ji sama k’o don den boda la. N’o m’i diya, aw bɛ jazepamu tululama dilalen boda kama dɔ ta k’o don a la.
Ni kɔnɔɲama ma mada sanga 15 kɔnɔ, aw bɛ segin a diko kan. I kana tɛmɛ seginnkanni kɛko kelen kan.
Aw bɛ jazepamu kisɛ di kununni kama sanga 45 sani dimi dɔ ka wuli i n’a fɔ kaliya digili ka don a nɔ na walima kolo dɔ sigili ɲɔgɔn kan.
Aw bɛ mg 0.2 ka se 0.3 di kilogaramu la. Ni den girinya dɔncogo t’i bolo, aw bɛ sumani kɛ ni a sisan ye.
Lorazepamu ni jazepamu bɔlenba don ɲɔgɔn fɛ. A bɛ se ka kɛ ka jolisiraw magaya ani ka banabaatɔ lafiya. A fana bɛ se ka kɛ ka kɔnɔɲama kunbɛn. Nka ni jali bɛ sen na, aw bɛ fura wɛrɛ di a ma fura min bɛ se ka toka ka ta don odon.
Sunɔgɔsuya.
Jazepamu damatɛmɛko jugu bɛ ninakili sensumaya walima k’a jɔ yɛrɛ. Aw kana tɛmɛ hakɛ kofɔlen kan cogosi la ani aw kana tɛmɛ diko fila kan.
Lorazepamu tali bɛ kɛ sababu ye k’a kɛ a tababaa tɛ ɲɛ a kɔ. O la aw kana aw deli a tali la walima aw kana tali kuntaala janya.
Muso kɔnɔma man kan ka a ta fo ni a tigi ye tansiyɔntɔ ye walima ni kirinni juguman don.
Aw kana jazepamu pikirikɛ sogobu la walima jolisira fɛ k’a sɔrɔ aw ma a kɛcogo kalan walima k’a sɔrɔ a kɛli ɲɛdɔn tɛ aw la. A pikiri faratintan tɛ. O kosɔn, aw bɛ se k’a don den kɔnɔɲamatɔ banakɔtaayɔrɔ fɛ.
Aw bɛ lorazepamu kisɛ kunuta di a tigi ma miniti 45 sani dimi dɔ ka wuli i n’a fɔ kaliya walima kolo dɔ sigili ɲɔgɔn kan.
Tuma dɔw la, a pikirijilama 10%, 12%, 5%, 25%, walima 50% bɛ sɔrɔ
Silifati de maɲeziyɔmu ye musokɔnɔmaw ka jalibana fura ɲɛnɛma ye, yɛrɛyɛrɛbana juguman bɛ minnu na. Ni silifati de maɲeziyɔmu tɛ aw bolo, aw bɛ jazepamu bila o nɔ na (aw ye gafe ɲɛ Jazepamu (Diazépam) lajɛ).
Aw kana silifati de maɲeziyɔmu kɛ muso la fo ni a tansiyɔn yɛlɛnna ka tɛmɛ 160/110 mm Hg), walima ni muso bɛ ja walima ni yɛrɛyɛrɛbana juguman bɛ a la (aw ye gafe ɲɛ Kɔnɔmaya gɛlɛnyɛba taamasiɲɛw ani duguma).
Aw bɛ muso ninakili ko hakɛ jate sani a ka fura ta ani fura talen kɔ. Ni muso ninakiliko tɛ siɲɛ 12 bɔ miniti kɔnɔ, aw kana fura in di a ma. Aw kana fura siɲɛfilanan di ni ninakili sumayara ka jigin ninakiliko 12 duguma miniti kɔnɔ walima ni aw ye a ye ko muso tɛ se ka sugunɛ kɛ lɛri 4 o lɛri 4 fura takofɔlɔ kɔfɛ.
Silifati de maɲeziyɔmu suguya caman bɛ sɔrɔ (a miligaramu hakɛ mililitiri kelen ji la; o kama, sɛbɛnni min bɛ a kan, aw bɛ o kalan ka ɲɛ fo aw ka da a la ko aw bɛka ji sanuman banakisɛntan hakɛ kofɔlen ɲagami fura la sani aw ka a ta.
Aw bɛ a garamu 10 kɛ bobara la, barisa pikiri in bɛ se ka farinya, aw bɛ pikiri tila walasa a garamu 5 ka kɛ bobara fasasira kelen kelen bɛɛ fɛ.
Lɛri 4 fura kunfɔlɔ kɛlen kɔ ni aw ma se ka dɔgɔtɔrɔso lasɔrɔ, aw bɛ se ka pikiri garamu 5 wɛrɛ kɛ.