Sigida 16 Ɲɛw
Dibi bɛ don denmisɛn minnu ɲɛ kɔrɔ walima ni u kungolo bɛ u dimi ni u bɛ sɛbɛn kalan, olu mako bɛ lunɛti la. Aw bɛ taa u ɲɛ lajɛ dɔgɔtɔrɔso la.
Ni mɔgɔ bɛka kɔrɔ ka taa fɛ, a bɛ to ka gɛlɛya a bolo ka a masurunnafɛnw ye ka ɲɛ. Lunɛtiw bɛ se ka o tigiw dɛmɛ. Aw bɛ lunɛti ɲini min bɛ se ka to aw ka yeli kɛ santimɛtiri 40 ɲɔgɔn.
Ni lunɛti ma se ka aw dɛmɛ ka yeli kɛ ka ɲɛ, aw bɛ taa dɔgɔtɔrɔso la.
Kɔlɔsili: Lunɛti minnu kɛrɛnkɛrɛnnen tɛ, olu bɛ se ka kungolodimi bila mɔgɔ la walima ka a tigi ɲɛ tɔ tiɲɛ. Aw kana lunɛti san sugu la fewu masiri kama.