Sigida 16 Ɲɛw

Denyɛrɛni ka ɲɛdimi (ni denyɛrɛni ni ɲɛdimi wolola)

image

Ni damajalan walima dana bɛ musokɔnɔma (aw ye sɛbɛn ɲɛ Sopisi ni damajalan lajɛ) na a bɛ se ka o banakisɛw yɛlɛma den fɛ jiginni senfɛ. Bana bɛ daminɛ den ɲɛ na ka tila ka gɛlɛya wɛrɛw don a ka kɛnɛya la. Ni den ɲɛw bilenna ka u funu walima ka u fa ɲɛbo la, o bɛ se ka nin bana ninnu dɔ la kelen kofɔ, o la aw kana sigi, aw bɛ taa ni den ye dɔgɔtɔrɔso la joona.

Dana furakɛcogo

Damajalan furakɛcogo

Ni aw tɛ den ka bana kun dɔn u fila bɛɛ fura di a ma. Den ɲɛw ka kan ka saniya ani ka u furakɛ ni furaw ye an da bɛna se minnu ma.

Banakunbɛn

Muso caman bɛ yen damajalan walima dana bɛ minnu na nka u tɛ a dɔn. Aw ka kan ka fura di den kelen kelen bɛɛ ma walasa ka u kisi fiyen ma, fo ni o ye a sɔrɔ denba ye jolisɛgɛsɛgɛ dɔ kɛ min bɛ a jira ko bana ninnu tɛ a la.

Mɔgɔ dɔw bɛ nitarati darizan 1% (nitrate d’argent 1%) jilama fura wɛrɛw kɛ den ɲɛ na. O furaw bɛ den ka fiyen kunbɛn min bɛ sɔrɔ dana fɛ, nka u tɛ damajalan fiyen kunbɛn. Ka fara o kan nitarati darizan bɛ den ɲɛ dimi ka waati damadɔ kɛ. Ni aw bɛ se ka eritoromisini, tetarasikilini walima powidɔni-iyode sɔrɔ ɲɛdimi na, o de ka fisa. Nka ni nitarati darizan jilama de bɛ aw bolo, aw bɛ se ka o dɔrɔn kɛ ɲɛ na

Ni dana walima damajalan ɲɛdimi bɛ den na, a bangebaga fila bɛɛ ka kan ka bana ninnu furakɛ ɲɔgɔn fɛ (aw ye sɛbɛn ɲɛ Damajalan ni npɔrɔn furaw ni Sopisi ni damajalan lajɛ).

📖 Gafe kɔnɔkow
← Segin kɔfɛ | Taa ɲɛfɛ →