Sigida 17 Ɲinw, ɲintaraw ani dakɔnɔna
Nin bana kofɔlen ka teli ka ye denmisɛnw de la ka caya. Balodɛsɛ taamasiɲɛw dɔ don (aw ye sɛbɛn ɲɛ Balodɛsɛ ani kɔnɔboli lajɛ), kɛrɛnkɛrɛnnenya la witamini ntanya fari la, o la aw ka kan ka to ka dumuni nafama dɔw dun i n’a fɔ nɔnɔ, sogo, jɛgɛ, fɛnkisɛmaw, shɛfan, jiriden ani nakɔfɛnkɛnɛ.
Tuma dɔw la, joli bɛ bɔ daku fila la, o la, aw bɛ joliw furakɛ ni alikɔli iyode (alcool iodé) ye walima aw bɛ banakisɛfagatulu mu u la i n’a fɔ oreyomisini (auréomycine) siɲɛ 2 walima siɲɛ 3 tile kɔnɔ. Nin bana in bɛ se ka kɛ dana taamasiɲɛ ye mɔgɔkɔrɔbaw la.