Sigida 4 Banabagatɔ furakɛcogo
Kabini aw bɛ banajugu dɔ taamasiɲɛ fɔlɔ ye, aw ye dɔgɔtɔrɔ dɔ ka dɛmɛ ɲini, aw kana a to bana ka juguya fo banabagatɔ ka dɛsɛ ka taama ka taa dɔgɔtɔrɔ fɛ yen walima dɔgɔtɔrɔso la.
A misaliya dɔw bɛ yen, minnu na a ka fisa banabagatɔ ka to so ka dɔgɔtɔrɔ makɔnɔ i n’a fɔ: ni a joginnen don ani a tɛ se ka bɔ a nɔn na. Nka dɔ wɛrɛw bɛ yen, a ka kan ka lataa dɔgɔtɔrɔso la joona i n’a fɔ bɛlɛnin walima kɔnɔdimi, mɔgɔ man kan ka sigi ka dɔgɔtɔrɔ makɔnɔ ni nin bana kofɔlen ninnu ye.
Ni aw bɛ mɔgɔ ta barankari la walima wotoro la, aw ye aw jija cogo bɛɛ la a tigi dacogo ka ɲɛ, walasa a kana bin. Ni a tigi yɔrɔ dɔw kolow karilen don, aw bɛ olu siri ni walani ye ka u sigi yɔrɔ kelen sani aw ka taa ni a ye dɔgɔtɔrɔso la (furakɛliyɔrɔ la). Ni o ye a sɔrɔ tile ka farin, aw bɛ birifini dɔ siri barankari walima wotoro sanfɛ walasa banabagatɔ ka suma ni fiɲɛ sɔrɔ.