Sigida 8 Furaw hakɛ tata sumancogo ani u dicogo

Furaw ta waatiw

Furaw tali waati batoli ka ɲi kosɛbɛ. Fura dɔw ka kan ka ta siɲɛ 1 tile kɔnɔ, nka dɔw ka kan ka ta siɲɛ 4 ka se siɲɛ 6 ma tile kɔnɔ, o bɛ bɔ furaw de la.

image

Hali ni waatilan tɛ i bolo kɔrɔ, o tɛ basi ye. I bɛ se ka waati dɔw jateminɛ i yɛrɛ ye. Misali la ni a sɛbɛnnen don ko i ka kan ka fura dɔ ta lɛri 8 o lɛri 8, i bɛ o fura ta siɲɛ 3 tile kɔnɔ, i n’a fɔ sɔgɔma, tilegan ani wula fɛ. Ni fura ka kan ka ta lɛri 6 o lɛri 6, i bɛ o ta siɲɛ 4 tile kɔnɔ, i n’a fɔ sɔgɔma, tilegan, wula fɛ ani su fɛ (i datuma). Ni a ka kan ka lɛri 4 o waati lɛri 4, i bɛ a ta siɲɛ 6 tile kɔnɔ, o la i bɛ fura taliw furancɛ bɛɛ kɛ kelen ye. i bɛ se ka i yɛrɛ bilasira ni seliwaatiw ye.

Mɔgɔ ka kan ka fura dɔw ta sani i ka dumuni kɛ fɔlɔ, i n’a fɔ sanga damadɔ ka kɔn dumuni ɲɛ.

O fura suguw ka kan ka ta lɛri tilancɛ (sanga 30) ka kɔn dumuni ɲɛ.

A laɲininen don mɔgɔ kana nɔnɔ min waati kelen ka kɔn dɔkisisikilini wa tetarasikilini tali ɲɛ walima ka tugu a tali kɔ. Fura minnu ka kan ka ta dumuniwaati fɛ walima dumuni kɛlen nɔ goni kan, olu de filɛ:.

Fura minnu bɛ ta walasa ka kumuji yɛlɛnni kɛlɛ, olu bɛ fɛrɛ u ka baara ma lɛri kelen walima lɛri fila dumuni kɛlen kɔ fɛ, i n’a fɔ kɔnɔbara fɛgɛnyalen kɔ fɛ.

 

📖 Gafe kɔnɔkow
← Segin kɔfɛ | Taa ɲɛfɛ →