Ni dusukundimi don, aw bɛ asipirini di a tigi la o yɔrɔnin bɛɛ la. Ni nitorogiliserini a bɛ aw bolo, aw bɛ toka o di a tigi ma sira fɛ sani aw ka se dɔgɔtɔrɔso la.
Aw bɛ se ka morifini di a ma fana walasa ka dɔ bɔ dimi ni siran na ani ka joli fiyɛli nɔgɔya sɔn ma.
Nitorogiliserini di dusukundimitɔ ma min disi bɛka a dimi. A bɛ se ka jolisiraw fɛrɛ walasa sɔn ka se ka joli fiyɛ ni nɔgɔya ye.
Aw kana nitorogiliserini di dusukundimitɔ ma min disi bɛka a dimi walima mɔgɔ min ye silidemafili (wiyagara) ta a ma tɛmɛ lɛri 24 kan. Nin fura ninnu faralen ɲɔgɔn kan, o bɛ se ka tansiyɔn jigin kojugu ani ka kɛ banabaatɔ sata ye.
A bɛ se ka kungolodimi juguman lase mɔgɔ ma, ka a kɛ i n’a fɔ funteni b’a la, walima ɲɛnamini.
Aw bɛ a miligaramu ½ don a tigi nɛn kɔrɔ, miniti 5 o miniti 5. Nka aw kana tɛmɛ diko 3 kan miniti 15 kɔnɔ.