Golo

A nafa ka bon ka banabagatɔ farikolo fan bɛɛ lajɛ hali ni o ye a sɔrɔ bana man jugu. Kɛrɛn­kɛrɛnnenya la ni denmisɛn don walima ni den don, aw bɛ u ka fini bɛɛ bɔ ka u lajɛ ni taamasiɲɛ yeleke tɛ u fari la. Misali la:

• Joliw, jogindaw, walima ni kala sarannen tɛ fari yɔrɔ dɔ la.
• Kurukuru, walima pɛrɛnda golo la.
• Nɔ walima taamasiɲɛ yeleke wɛrɛw.
• Dimi ni fari bilenni a kalayali, ni dimi bɛ a la ani ni a bɛ tɔn, olu ye (bana taamasiɲɛ ye).
• Gɛnɛgɛnɛ (kuru min bɛ sigi kan, kaman, ani woro kɔrɔ, aw ye sɛbɛn ɲɛ Joginda bɛɛ bɛ se ka juguya lajɛ).
• Kuru yelekew.
• Kunsigiw bɔnni walima u ɲɛ yɛlɛmani ni u mɛnɛmɛnɛbaliya (sɛbɛn ɲɛ Fasani bɛ den minɛ barisa a tɛ dumuni dafalen dun).
• Ɲɛsiw bɔnni (kuna; sɛbɛn ɲɛ Kuna).

Waati o waati ni aw bɛ denmisɛn fitiniw lajɛ, aw ye jateminɛ kɛ nin yɔrɔ ninnu na: u bobara ni ɲɔgɔn cɛ, u dogoyɔrɔw, u bolokɔniw ni ɲɔgɔn cɛ, u senkɔniw ni ɲɔgɔn cɛ, ani u tulo kɔfɛlaw. Aw bɛ aw hakilito u kunsigi kɔrɔlaw fana na ni ɲimi ni dabi ani kurukurumisɛnniw tɛ a kɔrɔ.

Walasa ka gololabanaw taamasiɲɛw sidɔn, aw ye sɛbɛn ɲɛ Sigida 15 Wololabanaw lajɛ.

📖 Gafe kɔnɔkow
← Segin kɔfɛ | Taa ɲɛfɛ →