Sigida 3 Banabagatɔ lajɛcogo

Kɔnɔbara

Ni kɔnɔdimi bɛ banabagatɔ la, aw ye a ɲini ka a dɔn dimi bɛ kɔnɔ yɔrɔ min na.

Aw ye banabagatɔ ɲininka ni dimi bɛ tugu walima ni a bɛ wuli ni ka mada i n’a fɔ kɔnɔnugutigɛ walima tɔgɔtɔgɔnin. Ni aw bɛ kɔnɔbara lajɛ, aw bɛ a sɛgɛsɛgɛ ni a tɔnnen tɛ walima ni kuru yeleke tɛ a la.

Tuma dɔw la dimi bɛ fari yɔrɔ min na o bɛ se ka bana suguya kofɔ. (Aw ye sɛbɛn ɲɛ nata lajɛ).

image

Aw ye fɔlɔ ka banabagatɔ ɲininka, a ka a fɔ a yɔrɔ min bɛ a dimi.

image

O la aw bɛ a kɔnɔbara fanw digidigi ni aw bolokɔniw ye walima aw bɛ a ɲini ka a dɔn a yɔrɔ min bɛ a dimi kosɛbɛ. Aw bɛ digidigili daminɛ dimi tɛ yɔrɔ min na ka taa dimimayɔrɔ la.

Ni a ye a jira ko a kiniyanfan bɛ a dimi, aw bɛ a daminɛ numanyanfan fɛ.

Ni aw bɛ banabagatɔ kɔnɔbara digidigi, aw bɛ a jateminɛ ni a bɛ a lamaga walima ni a kɔnɔbara ka gɛlɛn ani ni a tɛ digidigili kun. O bɛ se ka kɛ kɔnɔnabana taamasiɲɛ ye (aw ye sɛbɛn ɲɛ Dimi gɛlɛn juguman kɔnɔna na lajɛ), a mana kɛ cogo o cogo, bana jugu dɔ taamasiɲɛ don.

Ni aw sɔmina ko kɔnɔnabana walima bɛlɛnin don, aw ye “aw ye a tigi legelege,” o ɲɛfɔlen don sɛbɛn ɲɛ Banabagatɔ ka bɛlɛni sɛgɛsɛgɛcogo na.

Aw ye a lajɛ fana ni kuru yeleke dɔw tɛ kɔnɔbara la.

Ni dimi bɛ banabagatɔ kan waati bɛɛ ka fɔɔnɔ kɛ a senkɔrɔ ni a mɛnna a ma banakɔtaa sɔrɔ tile caman kɔfɛ aw ye aw tulo da a kɔnɔ na ka a lajɛ ni a bɛ mankan bɔ i n’a fɔ nin ja in:

Ja

Ni aw ma mankan fosi mɛn miniti fila kɔnɔ, o ye taamasiɲɛ juguba ye. Aw ka kan ka dɔgɔtɔrɔ ɲini o yɔrɔ bɛɛ la (aw ye sɛbɛn ɲɛ Nugu gerenni lajɛ min bɛ kuma nugu gerenni kan).

Aw ye a dɔn ko kɔnɔbara mankantan bɛ i n’a fɔ wulu sumannen. Aw ye aw yɛrɛ kɔlɔsi!

Ja minnu bɛ duguma olu bɛ dimi yɔrɔw jira minnu bɛ sɔrɔ kɔnɔbara la.

Furudimi (sɛbɛn ɲɛ Furudimi, nsɔnkunna ani dumuni yɛlɛmabaliya lajɛ)

Ja

Bɛlɛnin (sɛbɛn ɲɛ Bɛlɛni ni kɔnɔnafɛnw foroko cili (farali) lajɛ)

Ja

nin yɔrɔ bɛ i dimi fɔlɔ (sanfɛ)

o kɔfɛ yan (duguma)

Fiye (sɛbɛn ɲɛ Biɲɛdimi lajɛ)

Ja

waati dɔw la dimi bɛ bɔ i kɔ la

Biɲɛ (sɛbɛn ɲɛ Biɲɛdimi lajɛ)

Ja

waati dɔw la a bɛ bɔ i disi la

Ɲɛgɛnɛsiraw (sɛbɛn ɲɛ Ɲɛgɛnɛsiralabana damadɔw)

Ja

kɔnɔ walima barakɔrɔdimi tuma dɔw la dimi bɛ bɔ cɛmancɛ la ka taa barakɔrɔla la

Den dalen denso kɔ kan (sɛbɛn ɲɛ Kɔnɔbarala kansɛri taamasiɲɛw)

Ja

Dimi kɛrɛ kelen walima kɛrɛ fila bɛɛ la waati dɔw la a bɛ bɔ kamakun walima kan na

Kɔlɔsili: ka kunnafoni sɔrɔ kɔdimi ni a sababu jɔnjɔnw kan, aw ye sɛbɛn ɲɛ Kɔdimi lajɛ.

📖 Gafe kɔnɔkow
← Segin kɔfɛ | Taa ɲɛfɛ →