Sigida 10 Furakɛli kunfɔlɔ

Dimi gɛlɛn juguman kɔnɔna na

Dimi gɛlɛn bɛ cun a tigi kan nugu la min bɛ juguya ka taa a fɛ, kɔnɔboli tɛ min senkɔrɔ, lala o ye kɔnɔdimi gɛlɛn taamasiɲɛ ye. Kɔnɔdimi gɛlɛn sababu bɛ se ka bɔ nugu gerenni la (a ɲɛfɔlen don duguma), bɛlɛni na, ni musokɔnɔma den dalen denso kɔ kan walima bana gɛlɛn wɛrɛw. Ni aw sɔmina nin taamasiɲɛw dɔla kelen na mɔgɔ dɔ la, aw bɛ se ka taa ni a tigini ye dɔgɔtɔrɔso la walasa ka a ni kisi saya ma.

A taamasiɲɛw

A ka ca a la kɔnɔdimitɔ gɛlɛn bɛ kuru dimi bolo, a tɛ kɛcogo ɲuman sɔrɔ a yɛrɛ la wa a bɛ a bolow da kɔnɔ na.

Nugu gerenni

image

Nugu gerenni bɛ se ka fɔɔnɔ juguman bila mɔgɔ la.

Ni fɛn dɔ ye nugu fan dɔ geren, dumuniw ni banakɔtaa tɛ tɛmɛyɔrɔ sɔrɔ. O de bɛ ka kɛ dimi gɛlɛn walima bana dɔ sababu ye.

Dimi gɛlɛn kɔ, kɔnɔja ni fɔɔnɔ bɛ se ka a tigi sɔrɔ. Kɔnɔ bɛ se ka suma walima a bɛ se ka to ka kulu.

Nugu gerenni bɛ se ka sɔrɔ:

Ni aw sigara nugu gerenni la dɔrɔn, aw bɛ fɛɛrɛ ninnu fila la kelen kɛ :

  1. Aw bɛ taa ni a tigi ye dɔgɔtɔrɔso la joona. Lala a bɛ opere.
  2. Ni kɔnɔnatumuw bɛ aw ka sigida la, aw bɛ a tig furakɛ i n’a fɔ ko tumu ye a nugu geren. Aw ye gafe ɲɛ Kɔnɔnatumuw ni fɛnɲɛnamani wɛrɛw minnu bɛ balo mɔgɔ joli lalajɛ kɔnɔnatumuw furakɛli kama.

Bɛlɛnin ni kɔnɔnafɛnw foroko cili (farali)

Bɛlɛnin bɛ sɔrɔ nuguni dɔ falen fɛ min nɔrɔlen don nugubakun na kɔnɔbara kiniyanfan fɛ barakɔrɔla la. Bɛlɛnin kunbɛn fura tɛ yen. A bɛ se ka mɔgɔ dɔw minɛ ten.

A taamasiɲɛ lakodɔnnenw ye dimi cuncunnnen ye min bɛ juguya ka taa a fɛ.

Dimi bɛ se ka daminɛ bara la

O kɔ a bɛ jigin barakɔrɔla kiniyanfan fɛ.

image

Dumuninege tɛ bɛlɛnitɔ minɛ. A ka ca a la, kɔnɔboli tɛ kɛ bɛlɛnin senkɔrɔ, nka a tigi fari bɛ kalaya ka tuma dɔw. sennataama ka jugu a ma. Yɛlɛmayɛlɛmali ka gɛlɛn a ma (aw ye gafe ɲɛ Banabagatɔ ka bɛlɛni sɛgɛsɛgɛcogo lajɛ).

Aw ye dɔgɔtɔrɔ dɔ ka dɛmɛ ɲini. Ni aw ma bɛlɛnin furakɛ joona, a juguyalen bɛ se ka banakisɛw jɛnsɛn kɔnɔbara kɔnɔ. O bɛ na ni kɔnɔnafɛnw foroko cili ye.

Kɔnɔnafɛnw foroko cili fana bɛ se ka sɔrɔ joli bɔli fɛ nuguw la. Misali la, ni mɔgɔ dɔ bɔra kojugu walima bolokuru bɔra kɔnɔ na. Ni kɔnɔ ye lamagali dabila, ka ja ani ka dimi kɛ a fan bɛɛ la, o ye kɔnɔnafɛnw foroko cili ye.

Ni aw sigara ko bɛlɛnin walima kɔnɔnafɛnw foroko cili bɛ mɔgɔ dɔ la:

Aw bɛ a sɛgɛsɛgɛ ni gɛlɛya wɛrɛw tɛ a la, i n’a fɔ ninakili sumayali ni a teliyali, fari ɲɛ jɛyali ani a sumayali; walima hakili ɲagamini ni kirinni. Aw ye gafe ɲɛ Kirinni n’a kun lajɛ, furakɛli kunfɔlɔ.

Furakɛli minnu ka kan ka kɛ sira fɛ sani aw ka se dɔgɔtɔrɔso la

Banakisɛ­fagalan dɔw bɛ se ka kɛ ka belenin furakɛ nka aw bɛ fura suguya fila ta ɲɔgɔnfɛ walasa ka bana kɛlɛ ka ɲɛ. Banakisɛ­fagalan pikiri de ka fisa ni a furakisɛ ye sabu la furakisɛ yelen man di. Ni aw bɛ furakisɛ di, aw kana ji caman di a tigi ma. Banabagatɔ man kan ka fɛn wɛrɛ min walima ka dumunikɛ.

Aw bɛ fura ninnu di fo ka se banabagatɔ seli ma dɔgɔtɔrɔso la:

Metoronidazɔli, métronidazole miligaramu 500, siɲɛ 4 tile kɔnɔ

ANI

Siporofulɔkizasini, ciprofloxacine miligaramu 500, siɲɛ 2 tile kɔnɔ, WALIMA

Sɛfitiriyakizɔni, ceftriaxone garamu 2, siɲɛ 1 tile kɔnɔ, WALIMA

Kunfinnin, ampicilline 2 garamu, siɲɛ 1 tile kɔnɔANI zantamisini, gentamicine kilogaramu o kilogaramu, miligaramu 1.5, siɲɛ 3 tile kɔnɔ.

Banabagatɔ ka bɛlɛnin sɛgɛsɛgɛcogo

image

Aw bɛ kɔnɔ kiniyanfan digi kosɛbɛ dɔɔni dɔɔni fo a ka banabagatɔ dimini daminɛ.

image

Aw bɛ sɔrɔ ka girin ka a bila.

Ni dimi juguyara banabagatɔ kan o waati la, o bɛ se ka kɛ bɛlɛnin ye. Aw bɛ taa ni a ye dɔgɔtɔrɔso la joona.

📖 Gafe kɔnɔkow
← Segin kɔfɛ | Taa ɲɛfɛ →