Sigida 18 Ɲɛgɛnɛsiraw ani mɔgɔ dogoyɔrɔw

Sigida 18
Ɲɛgɛnɛsiraw ani mɔgɔ dogoyɔrɔw

Ɲɛgɛnɛsiraw bɛ nɔgɔ sama ka bɔ joli la ka a labɔ farikolo la sugunɛ fɛ:

image image
  1. Kɔmɔkiliw bɛ joli sɛnsɛn ka nɔgɔ yɛlɛma ka a kɛ ɲɛgɛnɛ ye
  2. Ɲɛgɛnɛbarani ye bɔɔrɔ ye min bɛ ɲɛgɛnɛ mara. Ni a bɛ fa, a bɛ bonya ka taa a fɛ
  3. Ɲɛgɛnɛsiraw ye siraw ye, ɲɛgɛnɛ bɛ tɛmɛ minnu fɛ ka taa ɲɛgɛnɛbarani na
  4. Ɲɛgɛnɛ bɛ tɛmɛ ɲɛgɛnɛsiraw fɛ ka taa cɛya la walima woni dɔ fɛ, min bɛ musoya dawolow ni ɲɔgɔn cɛ.

Mɔgɔ dɔyɔrɔrɔ

Cɛ la

image
  1. Lawaji tɛmɛsira
  2. Cɛya yɔrɔ min bɛ ji dilan ka lawaji labɔ
  3. Ɲɛgɛnɛbarani
  4. Ɲɛgɛnɛ tɛmɛsira
  5. Cɛya
  6. Kɔkiliw bɛ foroko min kɔnɔ
  7. Kɔkiliw bɛ lawaji dilan
Fɛnɲɛnamani kuma dɔw bɛ lawaji

Fɛnɲɛnamani kuma dɔw bɛ lawaji la minnu tɛ se ka ye ɲɛ na. Ni o fɛnɲɛnamaniw ɲagamina muso fan na; a bɛ kɔnɔ ta.

Muso la

image
  1. Musoya dawoloba
  2. Musoya kisɛ: a bɛ i n’a fɔ cɛya fitini. Ale de bɛ a to muso bɛ daamu sɔrɔ ni maga kɛra a la.
  3. Musoya dawolo fitini
  4. Ɲɛgɛnɛ bɔda
  5. Banakɔta bɔ yɔrɔ
  6. Den bɔda (Aw ye sɛbɛn ɲɛ Den dalen denso kɔ kan lajɛ)

Ɲɛgɛnɛsiralabana damadɔw

Hakilijigin: A ka gɛlɛn ka ɲɛgɛnɛsiralabanaw dɔn. Bana kelen bɛ se ka kɛ cɛ ni muso la nka u kɛcogo tɛ kelen. A bana dɔw man jugu, nka a dɔw ka jugu. Tuma dɔw la, mɔgɔ tɛ a bana jugumanw daminɛ jate ko jugu ye. Nin gafe in ni a ɲɔgɔnnaw dɔrɔn tɛna aw dɛmɛ ka se ka banaw suguya dɔn ka ɲɛ. U sidɔn ka teli lajɛliw ni sɛgɛsɛgɛliw de senfɛ. Ni nin bana dɔ bɛ aw la, a ka fisa aw ka taa aw yɛrɛ lajɛ dɔgɔtɔrɔso la.

Mɔgɔ caman tɛ nin bana ninnu danfara dɔn ka bɔ ɲɔgɔn na.

  1. Ɲɛgɛnɛsiralabana minnu tɛ yɛlɛma mɔgɔ fɛ. O banaw ka ca musow de la. (U bɛ daminɛ kafoɲɔgɔnya kɔfɛ, nka u bɛ to ka tunu ka tila ka na, kɛrɛn­kɛrɛnnenya la kɔnɔmaya waati).
  2. Kuru ɲɛgɛnɛsiraw la;
  3. Ɲɛgɛnɛsira bɛ geren (gɛlɛya bɛ don ɲɛgɛnɛ bɔli la ka a sababu kɛ fasa dɔ bɛ funu ka ɲɛgɛnɛsira geren; kɛrɛn­kɛrɛnnenya la cɛkɔrɔbaw la);
  4. Dana walima damajalan (bana don min bɛ sɔrɔ cɛ ni musoya fɛ, a bɛ ɲɛgɛnɛsira datugu).
  5. Diɲɛ kɔnɔ, yɔrɔ dɔw la ɲɛgɛnɛbilennikɛ ye bana ye joli bɛ bɔ ɲɛgɛnɛ fɛ bana min na. Nin kofɔlen don banaw la minnu sababu bɛ bɔ tumu wɛrɛw la. Aw ye sɛbɛn ɲɛ Sugunɛbilenni lajɛ.

Ɲɛgɛnɛsiralabana minnu tɛ sɔrɔ cɛ ni musoya fɛ; ni u tɛ yɛlɛma mɔgɔ fɛ

A taamasiɲɛw:

image
  1. Farigan ni kungolodimi bɛ a tigi minɛ tuma dɔw la
  2. Tuma dɔw la, dimi bɛ kɛ a tigi kɔnɔ kɛrɛw la (fanw)
  3. Ɲɛgɛnɛsira bɛ a tigi jeni jeni ɲɛgɛnɛkɛ kɔfɛ.
  4. Tuma dɔw la, kɔdimi ni kɔmɔkilidimi bɛ a tigi minɛ.
  5. Tuma dɔw la, dimi bɛ jigin a tigi senw na.
  6. A dɔw la, ni fiɲɛ bilalen don kɔmɔkiliw la, a tigi senw ni a ɲɛda bɛ to ka funu

Ɲɛgɛnɛsiralabana misɛnniw bɛ muso caman na. O bana ninnu man ca cɛw la. Taamasiɲɛ minnu bɛ ye tuma dɔw la, o ye: ɲɛgɛnɛ bɔsira bɛ a tigi jeni jeni ni a bɛ ɲɛgɛnɛ kɛ ani ɲɛgɛnɛ kɛ nege bɛ a tigi minɛ tuma bɛɛ. Taamasiɲɛ wɛrɛw ye kɔnɔdimi ye ani joli bɔli ye ɲɛgɛnɛ fɛ. Ni farigan ni kɔdimi bɛ a senkɔrɔ, o ye bana jugu dɔ taamasiɲɛ ye.

A furakɛcogo

image

Kurukuru kɔmɔkilila la walima ɲɛgɛnɛsiraw la

A taamasiɲɛw:

A furakɛcogo:

Ɲɛgɛnɛkɛbana

Bana don min ka teli ka cɛkɔrɔbaw minɛ. A bana in sababu bɛ bɔ cɛya fasajuru dɔ fununi na. O fasa bɛ ɲɛgɛnɛbarani ni ɲɛgɛnɛsira cɛ.

A taamasiɲɛw:

A furakɛcogo:

image

An ka kan ka cɛw ka sugunɛkɛbana ni dana (walima damajalan) danfara dɔn. Nin bana in fana bɛ se ka ɲɛgɛnɛ bɔsira datugu. Ni mɔgɔkɔrɔba don, a bɛ se ka kɛ cɛw ka sugunɛkɛbana ye. Nka ni cɛ de jɛra ni muso ye bana in bɛ muso min na, o bɛ se ka kɛ dana walima damajalan ye.

📖 Gafe kɔnɔkow
← Segin kɔfɛ | Taa ɲɛfɛ →