Sigida 2 Bana minnu dɔn man di ka bɔ ɲɔgɔn na

Bana suguyaw

image

Walasa ka i tanga banaw ma ani ka u kɛlɛ, a ka fisa i ka banaw jate kulu fila ye: bana yɛlɛmataw ani bana yɛlɛmabaliw.

Bana yɛlɛmataw bɛ bɔ mɔgɔ dɔ la ka yɛlɛma mɔgɔ wɛrɛ fɛ, o la a ka fisa ka kɛnɛbagatɔ tanga banabagatɔ ma.

Bana yɛlɛmabaliw, tɛ bɔ mɔgɔ la ka yɛlɛma mɔgɔ wɛrɛ fɛ fiyewu. Sababu wɛrɛw bɛ olu la. A nafa ka bon ka bana yɛlɛmataw dɔn ka bɔ bana yɛlɛmabaliw la.

Bana yɛlɛmabaliw

Bana yɛlɛmabaliw sɔrɔcogo ka ca, nka u tɛ sɔrɔ banakisɛ walima fɛn wɛrɛw fɛ minnu bɛ mɔgɔ kɛlɛ. U tɛ bɔ mɔgɔ dɔ la ka yɛlɛma mɔgɔ wɛrɛ fɛ abada. Banakisɛ­fagalanw tɛ fosi ɲɛ nin bana ninnu furakɛli la.

Hakilijigin: banakisɛ­fagalanw jɔda fosi tɛ bana yɛlɛmabaliw furakɛli la.

Bana yɛlɛmabaliw misaliw

Bana minnu bɛ sɔrɔ fiɲɛ bilali fɛ farikolo yɔrɔ dɔ la

Bana minnu bɛ sɔrɔ fɛn laseli fɛ farikolo ma a tɛ min kun

Bana minnu bɛ sɔrɔ fɛn dɔ dɛsɛli fɛ farikolo mako bɛ min na

Mɔgɔ ni bana minnu bɛ bange:

Hakililabanaw:

Bana yɛlɛmataw

Bana yɛlɛmataw bɛ sɔrɔ banakisɛw ani fɛn wɛrɛw fɛ minnu bɛ farikolo kɛlɛ. U suguya ka ca. An bɛ na nimisɛnw na fanbaw kofɔ yan minnu bɛ kɛ banaw sababu ye.

Nimisɛn minnu bɛ kɛ banaw sababu ye olu dɔgɔya kojugu fɛ, olu tɛ ye ɲɛ na ni ɲɛ ma dɛmɛ ni mikɔrɔsikɔpu ye (minɛn bɛ nimisɛn ninnu yankan bonya fo k’a wara). Sankaranw (tubabukan: les virus) ka dɔgɔn ka sago banakisɛw kan tugun.

Banakisɛfagalanw (ampisilini, tetarasikilini) ye furaw ye minnu bɛ kɛ ka banakisɛbanaw furakɛ. Banakisɛfagalanw jɔda tɛ banakisɛyɛlɛmata banaw furakɛli la, banaw i n’a fɔ mura, sɔgɔsɔgɔ, tulodimi, ɲɔninsa. Aw kana banakisɛyɛlɛmata banaw furakɛ ni banakisɛfagalanw ye. U tɛ mako ɲɛ wa u bɛ se ka bana juguya (sɛbɛn ɲɛ Banakisɛ­fagalanw tata hakɛ dɔnni nafa).

Bana yɛlɛmataw misali

Fɛnɲɛnamani minnu bɛ bana bila mɔgɔ la: Banakisɛw

Bana tɔgɔ A yɛlɛma­cogo ani a jɛnsɛncogo farikolo la A fura jɔnjɔn
Joli nɛnma Magaɲɔgɔnna sen fɛ Banakisɛ­fagalan (les ant­ibiotiques)
Sɔgɔsɔgɔ­ninjɛ Banabagatɔ sɔgɔsɔgɔtɔ dafiɲɛ fɛ
Sinkɔrɔ­kɛrɛdimi/ galakanɔrɔ Sɔgɔsɔgɔli sen fɛ
Damajalan ni danna Kafoɲɔgɔnya sira fɛ
Tulojalandimi Fiɲɛ ni ninakili fɛ
Joli banakisɛma Dugumana ani minɛnw ni fini nɔgɔlenw fɛ
Nɛgɛtigɛ­bana / Jaŋɔyin Joginnida nɔgɔlenw fɛ Sani bana ka wuli, kunbɛnni­sɔgɔliji ye a fura ye
Kɔnɔboli­bana dɔw Ji wulibali ni tɛgɛ nɔgɔlenw fɛ Farila­faji balo nafama dunni

Fɛnɲɛnamani minnu bɛ bana bila mɔgɔ la: Sankaran (les virus, nimisɛn min ka dɔgɔn ni banakisɛ ye)

Bana tɔgɔ A yɛlɛma­cogo ani a jɛnsɛncogo farikolo la A fura jɔnjɔn
Mura ni mura­sɔgɔsɔgɔ
Tulodimi
Ɲɔnin
Senfaga­bana
Kɔnɔbolibana dɔw
Banabagatɔ dɔ ka gɛrɛɲɔgɔnya fɛ, dimɔgɔw ni fiɲɛ fɛ Dimi­madalanw (fura tɛ yen min bɛ se ka sankaranw kɛlɛ, banakisɛ­fagalan tɛ mako ɲɛ u la); sani bana ka wuli, kunbɛnni­sɔgɔliw ye u fura duman ye
Wulufa Bagan fatɔw kinda fɛ Boloci bɛ mɔgɔ tanga bana jugu dɔw ma
Kurukuruw Mɔgɔw ka gɛrɛɲɔgɔnna fɛ
Kɔnɔboli dɔw Ji saniyabali ni tɛgɛ nɔgɔlenw fɛ Kɛnɛyaji minni
Sidabana Ni sidatɔ joli, a lawaji walima ni a musoyaji donna mɔgɔ wɛrɛ joli la Anti eretorowiro (antirétroviraux) bɛ kɛ sababu ye sidatɔ kɛnɛman

Fɛnɲɛnamani minnu bɛ bana bila mɔgɔ la: Bugubanaw

Bana tɔgɔ A yɛlɛmacogo ani a jɛnsɛncogo farikolo la A fura jɔnjɔn
Kaba
Sengɔlɔn
Korosakorosa
Magaɲɔgɔnna fɛ walima
finiw fɛ
Nisitatini (Nystatine)
Mikonazɔli (Miconazole)
Furabilenni (Violet de gentian),
Asidi andesileniki (Acide undécylénique),
Asidi bɛnzoyiki kumu (Acide benzoïque),
Asidi salisiliki (Acide salicylique);

Fɛnɲɛnamani minnu bɛ bana bila mɔgɔ la: Jatigifagantumuw farikolo la

Bana tɔgɔ A yɛlɛma­cogo ani a jɛnsɛn­cogo farikolo la A fura jɔnjɔn
Nugulataw walima farisogolataw: tumuw, tɔgɔtɔgɔninsunw, sugunɛbilenni, sɛgɛlɛn Tɛgɛ nɔgɔlenw fɛ, nɔgɔlenya, ji banakisɛma Fura suguya wɛrɛw
Jolilata walima farisogolata
sumayabana
Sosokinda fɛ walima dimɔgɔ fɛ Sumayafuraw ɲagaminen
A kunbɛnni kama:
sumayafura kɛcogoya caman bɛ yan, i n’a fɔ kulorokini (chloroquine)
Mara (Trypanosomiase)
Sunɔgɔbana
Furaw ni furakɛli kɛcogoya caman

Jatigifagantumu minnu bɛ kɛ farikolo kɔ kan

Bana tɔgɔ A yɛlɛmacogo ani a jɛnsɛncogo farikolo la A fura jɔnjɔn
Ɲimi
Jatakɔliw
Dabiw
Maɲa
Banabagatɔw fɛ walima u ka finiw Pɛrimetirini (perméthrine), ka saniya sabati

📖 Gafe kɔnɔkow
← Segin kɔfɛ | Taa ɲɛfɛ →