Ɲintaradimi

Ni ɲintaraw bɔsilen don, u bɛ mɔgɔ dimi, u jolibɔ ka teli, kun 2 bɛ o la:

1. Da saniyabaliya.
2. Dumuni nafama dunbaliya.

Ɲinw lakanacogo ni u furakɛcogo:

• Aw bɛ aw da ko ka ɲɛ dumuni bɛɛ kɔfɛ, ani ka dumuni tɔw labɔ ɲinw ni ɲɔgɔn cɛ.
• Ni aw bɛ se, aw bɛ aw jija ka nɔgɔ finmanw wɔrɔ ka bɔ ɲinjuw la. Aw bɛ se ka ɲinw ni ɲɔgɔn cɛ saniya ni gaari ye. A daminɛ na joli caman bɛ bɔ, nka kɔfɛ ɲintaraw bɛ kɛnɛya ani caman bɛ bɔ jolibɔ la. Aw bɛ to ka aw da ko ni ji kɔkɔma ye, bikaribonati bɛ min na.
• Aw bɛ to ka dumuni nafama ni witaminimaw dun, kɛrɛn­kɛrɛnnenya la sogo, shɛfan, shɔ, nakɔfɛnkɛnɛw, jiridenw: lenburuba, lenburukumuni, tomati (aw ye Sigida 11 lajɛ). Aw bɛ aw yɛrɛ kɔlɔsi dumuni sukaromaw la, dumuni ɲagama ni fuma dɔw, minnu bɛ balan ɲinw ni ɲɔgɔn cɛ.

Aw ye aw janto nin na: Tuma dɔw la, binnibanafuraw bɛ ɲintaraw funu. O la, aw ka kan ka dɔgɔtɔrɔ dɔ ka dɛmɛ ɲini walasa ka fura kɛta falen.

📖 Gafe kɔnɔkow
← Segin kɔfɛ | Taa ɲɛfɛ →