Sigida 20 Bangekɔlɔsi fɛɛrɛw
Ni cɛya ye lawaji fili musoya kɔnɔ walima a kɛrɛfɛ, lawaji bɛ se ka don musoya da fɛ ka taa wolonugu siraw fɛ. Ni o bɛnna muso ka fan dawaati ma, lawaji bɛ i bari o fan na ka sɔrɔ ka taa a sigi denso foroko sokɔnɔɲɛ kɔnɔ. O ye kɔnɔ sɔrɔlen ye. Bangekɔlɔsi fɛɛrɛw bɛ kɔnɔ bali ni lawaji kunbɛnni ye, walima ka muso fari bali ka fan dilan walima ka denkisɛ bali ka se fan ma.
