Aw ye furaw mara yɔrɔ la, denmisɛnniw tɛ u lasɔrɔyɔrɔ min na.
Sigida 23 Furaminɛn
Aw ye furaw mara yɔrɔ la, denmisɛnniw tɛ u lasɔrɔyɔrɔ min na.
A kɛcogo ɲuman ye, ka dugu caman dalajɛ ani ka yamaruya sɔrɔ ka sanni kɛ jamana farimasiba dɔ la, ni aw ma o sɔrɔ, aw bɛ taa kɛnyɛrɛye farimasi wa faramasi dɔ la, a caman santa bɛ yɔrɔ min.
O fura kelenw bɛ se ka feere tɔgɔ wɛrɛw la, foroko wɛrɛw kɔnɔ ani fana sɔngɔ wɛrɛw la. Aw bɛ jateminɛ kɛ fura fila ninnu ni ɲɔgɔn cɛ fɔlɔ sani aw ka taa sanni kɛ.
Aw bɛ jateminɛ kɛ fana ni fura tawaati ma tɛmɛ. A ka fisa aw ka furaw san minnu bɛ mɛn ka a sɔrɔ u tawaati ma tɛmɛ.
Aw bɛ furaw sɔngɔ da ɲɔgɔn kɔrɔ. Fura dɔw da ka gɛlɛn ni dɔw ye k’a sababu kɛ u tɔgɔ ye, ka sɔrɔ fura suguya kelen don. A ka c’a fura dagɛlɛnbaw man fisa ni tɔw ye. N’aw bɛ se, aw ye fura dɔnnenw san ka fura tɔgɔbɔlenbaw to yen, sabula, fura dɔnnenw da ka di tuma caman ka tɛmɛ fura tɔgɔbɔlenbaw kan. Ani fana, a nafa b’aw kan ka caman san. Misali la, penisilini anpulu den 600.000 ni penisilini den 300.000 sɔngɔ man jan ɲɔgɔn na – ola aw bɛ wari dɔ mara n’aw ye anpulu den caman sani aw bɛ dɔ in fila ɲɔgɔn sɔrɔ.
Aw ye aw labɛn ka se ka bana cunnenw furakɛ:
Aw ka furaminɛn kana lankolonya fura la abada!