Sigida faramasi

Aw makoɲɛfura ni minɛnw ka kan ka sɔrɔ fura kɛsu kɔnɔ, ka fara furaw kan minnu kofɔlen don ni yɔrɔ duguma, u dabɔlen don banajugu dɔw kɛlɛli kama. A ka fisa dugu bɛɛ ka furakɛsu falen ka to waati bɛɛ.

Sika tɛ nin misali in na, nka a ka kan ka dafa ni fura suguya wɛrɛw ni u sɔngɔ ye. Sigida ka furaminɛn kɔnɔfuraw suguya bɛ sɔrɔ banaw fɛ, bana minnu bɛ yen mɔgɔw minɛ ka caya. Fura cayali fana bɛ bɔ aw bolo wari hakɛ la ani mɔgɔ hakɛ minnu bɛ aw ka furaminɛn kɔnɔfuraw ta.

Minɛn wɛrɛw

Fura wɛrɛw

Ɲɛci bɛ fura wɛrɛ minnu na yɔrɔ caman na

Bana basigilenw fura

Waajibi tɛ ka bana basigilen dɔw, i n’a fɔ sɔgɔsɔgɔninjɛ, kuna ani sugunɛbilenni furaw bila aw bolo kɔrɔ dugu ka fura maralan kɔnɔ. Walasa ka a dɔn ko nin bana dɔ la kelen bɛ mɔgɔ la, sɛgɛsɛgɛli kɛrɛn­kɛrɛnnenw de ka kan ka kɛ kɛnɛyaso la ani a fura ka teli ka sɔrɔ o yɔrɔ minnu na. Nin fura ninnu ni fura wɛrɛw bilali aw bolo kɔrɔ, o bɛ bɔ yɔrɔ kɛcogo ani kotigiw ka dɔnniya la kɛnɛya ko la.

Bolocifuraw:

An ma bolocifuraw fara aw ka furaw kan, barisa kɛnɛya minisiriso de bɛ olu di tuma caman. Nka, aw ka kan ka aw jija ka denmisɛnniw ka boloci bɛɛ kɛ ka a dafa (aw ye sɛbɛn ɲɛ Boloci lajɛ). Nka, ni firigo bɛ aw bolo, aw bɛ se ka bolocifuraw bila aw bolo kɔrɔ dugu kɔnɔ, kɛrɛn­kɛrɛnnenya la DTC, senfagabana bolocifura, sɔgɔsɔgɔninjɛ bolocifura ni ɲɔni bolocifura.

📖 Gafe kɔnɔkow
← Segin kɔfɛ | Taa ɲɛfɛ →