Sigida 23 Furaminɛn

Sigida 23
Furaminɛn

image

 

Walasa ka bana cunnenw furakɛ, denbaya ni sigida kelen kelen bɛɛ ka kan ka furaminɛn dɔ bila u bolokɔrɔ.

Gafe ɲɛ nataw la aw bɛna hakilinaw sɔrɔ furaminɛn kɔnɔ fura marataw kan. Aw bɛ se ka fura kofɔlen ninnu falen fura wɛrɛw la, minnu se bɛ aw ye ani minnu bɛ aw ka sigida banaw furakɛ. Hali ni furaminɛn in fura fanba bɛɛ ye tubabufaraw ye, farafinfura ɲuman lakodɔnnenw dɔw fana bɛ se ka fara u kan.

Fura kelen kelen bɛɛ hakɛ jumɛn ka kan ka kɛ aw bolokɔrɔ?

Fura hakɛ min laɲininen don furaminɛn kama, o ka kan ka kɛ aw bolokɔrɔfura lafitini ye. A dɔw la, o fura bɛ bɛn furakɛli kun fɔlɔ dɔrɔn de ma, sani aw ka taa fura dɔ wɛrɛ ɲini walima aw ka dɔgɔtɔrɔ dɔ hakilina ɲini.

Fura hakɛ marata bɛ bɔ mɔgɔ hakɛ la, minnu mako bɛ ɲɛ a la ani aw bɛ taa fura ta yɔrɔ min, ni dɔ banna walasa ka o nɔnabila. A bɛ bɔ fura sɔngɔ fana na ani mɔgɔw ka sɔrɔ. Aw ka furaminɛn kɔnɔfura dɔw da bɛ se ka gɛlɛya, nka a ka fisa fura nafama caman ka sɔrɔ aw bolokɔrɔ walasa ka bana cunnenw kunbɛn.

Aw ye aw hakili to nin na: jiginni furaminɛn kɔnɔ furaw, kɛnɛya­baarakɛlaw minnu bɛ jiginni kɛ, olu ni musokɔnɔmaw mako bɛ minɛn minnu na jiginni kama, o bɛɛ sɛbɛnnen don gafe ɲɛ Muso ka kan ka labɛn minnu sabati sani jiginni cɛ na ani a ɲɛ Tinminɛmuso walima tinminɛmuso ka minɛn wɛrɛw la.

📖 Gafe kɔnɔkow
← Segin kɔfɛ | Taa ɲɛfɛ →