Jolisirafunu

Ale ye bana ye min bɛ joli siraw funu, ka u kuru kuru, ani ka dimi kɛ u la. Nin bana in ka ca mɔgɔkɔrɔbaw ni muso kɔnɔmaw de la walima muso minnu ye den caman sɔrɔ.

A furakɛcogo

Fura tɛ jolisira funu na. An bɛ se ka u dimi mada ni nin ladilikan ninnu kɔlɔsili ye:

• Aw kana mɛn sigili la, walima jɔli la walima ka aw sen yangannen to. Ni aw bɛ a fɛ ka aw sigi walima ka aw jɔ, aw bɛ a kɛ miniti dama dama lɛri tilancɛ o lɛri tilancɛ, aw bɛ aw da ka sɔrɔ ka aw senw kɔrɔta sanfɛ. Ni aw bɛ wuli, aw bɛ a lajɛ ka aw taama taama walima ka to ka aw sentonton kɔrɔta siɲɛ caman ka segin ka a da duguma. Aw bɛ se ka aw senw da kunkɔrɔdonnan fana kan walasa ka a kɔrɔta sanfɛ.
• Aw bɛ to ka farikoloɲɛnajɛ kɛ i na fɔ taama.
• Aw bɛ to ka susɛtijan manaman don, o bɛ jolisiraw gɛrɛntɛ, nka u bɛ se ka bɔ a tigi senna su fɛ. Ni aw bɛ bandi foni, aw ka kan ka aw sen tilennen to ka a foni.
• Aw bɛ nin bana in furakɛ sani a ka gɛlɛya wɛrɛw lase a tigi ma walima furulajoli (aw bɛ sɛbɛn ɲɛ Farilajoli min bɛ sɔrɔ joli bolicogo jugu fɛ lajɛ).

📖 Gafe kɔnɔkow
← Segin kɔfɛ | Taa ɲɛfɛ →