Koko

Koko ka jugu kosɛbɛ, nka farati fosi tɛ a la. Banakɔtaayɔrɔ fasasirafunu don. A ka ca a la u bɛ mɔgɔ minɛ kɔnɔmaya waatiw la, nka u bɛ tila ka tunu.

Furakisɛ tata tɛ a la, pikiri fana tɛ yen min bɛ se ka koko furakɛ. An bɛ se ka fɛn dɔ sɔrɔ faramansiw la minnu bɛ se ka dimi mada walima ka jolisira misɛnya (aw ye sɛbɛn ɲɛ Kokofura minnu bɛ don banakɔtaayɔrɔ la lajɛ).

banakɔtaayɔrɔ

Koko joliman

• Jiri kunanman dɔw ji (i n’a fɔ azɛli, jiri ɲɔnima dɔw, o ni a ɲɔgɔn caman), aw bɛ olu da kɔbɔ yɔrɔ la, o bɛ a funu jigin.
• Ka i sigi jiwɔlɔkɔlen na, o bɛ a dimi mada.
• Kokobanaw sababu bɛ se ka kɛ kɔnɔja ye. An bɛ se ka a furakɛ ni jiriden ni nakɔfɛnw caman dunni ye.
• Aw ye dɔlɔ ni kafe ni dutew minni dabila, aw kana foronto dun, wa aw kana sigarɛti min.
• Aw kana aw fiyɛ ni foronto ye abada.
• Koko minnu ka jugu kosɛbɛ olu ka kan ni opereli ye.

Ni koko dɔ dabɔra ko a joli tɛ ka jɔ, aw bɛ se ka a lajɛ ka a joli jɔ ni fini mugu jɛlen dɔ ye min bɛ da a da la. Ni a joli ma jɔ, aw bɛ dɔgɔtɔrɔ dɔ ka dɛmɛ ɲini. Walima aw bɛ a lajɛ ka a lajɔ ni kokokisɛ bɔli ye.

Aw bɛ fɔlɔ ka banakɔtaayɔrɔ ko ni ji ni safinɛ ye. Aw bɛ lamu kura kɛ ka da fitini bɔ a la. Aw bɛ pɛnsi jɛlen dɔ kɛ ka a kuru bɔ. Aw bɛ fini kɛ ka joli in digi fo ka basi jɔ.

Aw ye aw janto: Aw kana a ɲini ka koko tigɛ. A jolibɔn bɛ se ka a tigi faga.

📖 Gafe kɔnɔkow
← Segin kɔfɛ | Taa ɲɛfɛ →