Ayi
Aw kana mɛn sigili la ni aw sen bɛ duguma o bɛ a to aw senw bɛ funu ka taa a fɛ.
Sigida kɔnɔkow
Senw fununni ye bana dɔ taamasiɲɛ ye; a bɛ se ka kɛ bana jugu tɛ, walima bana jugu don. A ka ca a la, ni a tigi ɲɛ walima a fari fan wɛrɛ fununen don ka fara senw kan, o bɛ a jira ko bana jugu don. Aw ye dɔgɔtɔrɔ dɔ ka dɛmɛ ɲini.
Musokɔnɔma minnu sera jigin ye olu dɔw sen bɛ to ka funu, nka a ka ca a la o tɛ kojugu ye. Den girinya de bɛ a to ni joli tɛ sira sɔrɔ ka tɛmɛ. Nka ni musokɔnɔma min balala ka girinya, ni a tansiyɔn yɛlɛnna, ka a ɲɛda funu, ni a bɛ ɲɛnamini, ko a ka yeli bɛka dɔgɔya, a tɛ sugunɛ sɔrɔ ka caya, o bɛ se ka kɛ furaw kɔlɔlɔ ye (aw ye sɛbɛn ɲɛ Kɔnɔmaya gɛlɛnyɛba taamasiɲɛw lajɛ). Aw bɛ taa dɔgɔtɔrɔsola joona walima ka dɔgɔtɔrɔ wele.
Mɔgɔkɔrɔba minnu tɛ u lamaga kosɛbɛ, walima minnu bɛ mɛn sigili walima jɔli la, olu sen bɛ funu barisa joli tɛ tɛmɛ ka ɲɛ. Nka o fana bɛ se ka kɛ sɔn walima kɔmɔkililabana taamasiɲɛ ye (aw ye sɛbɛn ɲɛ Dusukunnabana ni Kurukuru kɔmɔkilila la walima ɲɛgɛnɛsiraw la lajɛ).
Ni denmisɛnni senw ni a ɲɛda fununen don, o bɛ se ka kɛ joli dɛsɛ taamasiɲɛ ye (sɛbɛn ɲɛ Jolidɛsɛ) walima balodɛsɛ (sɛbɛn ɲɛ A bɛ dɔn cogodi ko balodɛsɛ bɛ mɔgɔ la?). Ni balodɛsɛjuguman don, a tigi ɲɛda ni a bolow bɛ se ka funu (aw ye sɛbɛn ɲɛ Serebana (funubana) lajɛ). Nka a bɛ se ka kɛ sɔn ni dusukunnabana fana ye (sɛbɛn ɲɛ Dusukunnabana lajɛ) walima kɔmɔkililabana.
Walasa ka aw sen funu jigin, aw bɛ fɔlɔka bana furakɛ min ye a sababu ye. Aw bɛ dɔ bɔkɔkɔdunta la walima ka a ye ka a to yen. Farafinfura minnu bɛ mɔgɔ bila sugunɛkɛ la ka caya olu nafa ka bon kosɛbɛ (kabadashi, gafe ɲɛ Kaba dasi).
Ayi
Aw kana mɛn sigili la ni aw sen bɛ duguma o bɛ a to aw senw bɛ funu ka taa a fɛ.
A ka ɲi
Ni aw bɛ aw sigi, aw bɛ aw senw kɔrɔta. O cogo la funu tɛ taa ɲɛ. Aw bɛ aw senw kɔrɔta fɛn dɔ sanfɛ siɲɛ caman tile kɔnɔ. Sen ka kan ka kɔrɔta ka tɛmɛ aw disi hakɛ kan.
Ni aw bɛ aw da ka sunɔgɔ fana aw ka kan ka aw senw kɔrɔta.
Nin ka fisa
Ni musokɔnɔmaw don: olu ka kan ka aw da aw numanfɛ kɛrɛ kan.