Musoyabanaw furakɛli la

Musoya ka jijugubɔ ni a ŋɛɲɛni ani a tigi lafiyabaliya, olu sababu ye banaw ye, i n’a fɔ sopisi, leminanpo ani banakisɛ. Musoya saniyali ani a koli ni ji ni winɛgiri ye (musoya koli), o bɛ a caman ban. Fura kɛrɛn­kɛrɛnnenw fana bɛ yen minnu kofɔlen don.

Winɛgiri jɛman musoya koli kama

Aw bɛ dumunikɛkutu ɲɛ 2 walima a ɲɛ 3 winɛgiri jɛman kɛ ji litiri 1 na (ji min wulila walasa ka a banakisɛw faga). I n’a fɔ a ɲɛfɔlen don gafe ɲɛ Nɔgɔji jɛman bɔ (ji salasala walima nɛ min bɛ bɔ musoya fɛ) na cogo min, aw bɛ musoya ko siɲɛ 1 ka se siɲɛ 3 ma don o don fo dɔgɔkun 1, o kɔ aw bɛ a ko siɲɛ 1 don o don. A ka ca a la o bɛ musoya ka banakisɛw faga.

Metoronidazɔli, Métronidazole tata ni a min bɛ don musoya la

(Aw ye gafe ɲɛ Metoronidazɔli, Métronidazole lajɛ.)

Nin furaw bɛ kɛ ka sopisi ni musoyalabanakisɛw furakɛ. (ni ji ni winɛgiri ɲagaminen ma se ka aw mako ɲɛ, aw bɛ aw yɛrɛ furakɛ ni metoronidazɔli dɔrɔn ye.)

Nisitatini, Nystatine, walima Mikonazɔli, Miconazole, a kisɛ, a kɛrɛmu ani a kisɛ min bɛ don musoya la

(gafe ɲɛ Nisitatini, Nystatine)

Musoya ka bugubanaw fura.

Furabilenni, Violet de gentiane

(gafe ɲɛ Furabilenni, Violet de gentiane)

Ka safa (candidose) ani musoyabana furakɛ.

Powidɔni iyode, Povidone iodée (walima Betadini, Bétadine)

Musoyalabanakisɛw fura don.

Aw bɛ dumunikɛkutu ɲɛ 2 ta Powidɔni iyode na, ka o kɛ ji litiri 1 wulilen na. I n’a fɔ a ɲɛfɔlen don gafe ɲɛ Nɔgɔji jɛman bɔ (ji salasala walima nɛ min bɛ bɔ musoya fɛ) la, aw bɛ musoya ko siɲɛ 1 don o don fo tile 10 ka se tile 14 ma.

Powidɔni iyode fana bɛ se ka kɛ ka foolo kunbɛn ni o ye a sɔrɔ kɔkɔwasa tɛ yen. Aw bɛ Powidɔni iyode toniko 1 kɛ ji litiri 1 na. Aw bɛ o wɛri ɲɛ 1 min dɔgɔkun o dɔgɔkun, aw si bɛɛ.

📖 Gafe kɔnɔkow
← Segin kɔfɛ | Taa ɲɛfɛ →