Kumujiyɛlɛn, nsɔnkunan ani furudimi na
Aw bɛ nsɔnkunan ni furudimi furakɛ ni kumukɛlɛlan gansanw ye fɔlɔ. Ni bana ninnu tɛka ban, aw bɛ kumukɛlɛlan fura farinmanbaw ta. Ni furudimi ye kɔnɔdimi sababu ye, aw ka kan ka kumukɛlɛlan fura caman ni banakisɛfagalan dɔw fara ɲɔgɔn kan, walasa ka bana in furakɛ. Walasa ka kunnafoniw sɔrɔ fura farali la ɲɔgɔn kan, aw bɛ gafe ɲɛ Furudimi kunbɛncogo ni a furakɛcogo lajɛ.
Kumukɛlɛlanw da ma gɛlɛn, u bɛ kɔnɔdimiw ni furu jenijeniw nɔgɔya waatini kɔnɔ. U si tɛ mako ɲɛ waatijan kɔnɔ, nka u jɔyɔrɔ ka bon tuma dɔw la. A fura ninnu tɔgɔ ka ca ani a dɔw ye furaji walima furakisɛ kunuta ye ani u dilannen don ni idɔrɔkisidi daliminiyomu (hydroxyde d’aluminium), idɔrɔkisidi de maɲeziyɔmu (hydroxyde de magnésium), bikaribonati (carbonate de calcium) walima ni bisimuti (bismuth) ye.
Ni kumukɛlɛlanw bɛ se ka ta kumuyɛlɛn walima furu jenijenini kama, walima u bɛ se ka fara furudimi furaw kan.
Nin fura ninnu bɛ tetarasikilini (tétracycline) ni fura wɛrɛw bali ka u ka baara kɛ. Ni aw bɛka fura wɛrɛ ta, aw bɛ u ta lɛri 2 ka kɔn kumukɛlɛlanw ɲɛ walima u kɔfɛ.
Maɲeziyɔmu bɛ kumukɛlɛlanw minnu na, olu bɛ kɔnɔboli bila mɔgɔw la waati dɔw ani alimuniyɔmu bɛ minnu na, olu bɛ kɔnɔja bila mɔgɔ la.
Aw bɛ kumukɛlɛlanw ta lɛri kelen sani aw ka dumunikɛ. Walima aw bɛ a ta sani aw ka aw da, walasa a kana degun wɛrɛ bila aw la ni aw ye aw da. Aw bɛ a furakisɛ 1 walima 2 ɲimi, walima aw bɛ a sirojima mililitiri 10 (kutu fitini ɲɛ 2) min. Kunnafoni ma di ka a fɔ ko a bɛ se ka ta siɲɛ 4 fo 5 don o don, nka ni aw b’a fɛ ka a caman ta, aw bɛ se ka a ta tile caman kɔnɔ. O bɛɛ kɔ, aw mako bɛna se fura wɛrɛ ma.
Fura in mugu jɛman bɛ sɔrɔ.
Ale ye kumujiyɛlɛn ni nsɔnkunan ni dumuniyɛlɛmabaliya fura ye min tata hakɛ man kan ka caya. A man kan ka kɛ ka dumuniyɛlɛmabaliya basigilen walima furudimi furakɛ. Hali ni a kɛra ko a bɛ mako ɲɛ a daminɛ na, a bɛ dɔ fara furu kumujiyɛlɛn kan, o bɛ furudimi juguya. O kama (dumuniyɛlɛmabaliya ko tɛ), ale ni asetaminofɛni bɛ se ka ta ɲɔgɔn fɛ. Alka-seltzer ye bikaribonatilama sijɔmulama ni asipirini ɲagaminen ye. Ni aw bɛ kumujikɛlɛlan dilan, aw bɛ bikaribonatilama kafeminkutu ɲɛ ½ kɛ ji la ka o min nka aw kana a kɛ tuma bɛɛ.
Ni aw bɛ aw da ko, bikaribonatilama walima bikaribonatilama ni kɔkɔ ɲagaminen ka fisa ni dakosafinɛ ye tuma dɔw la (aw ye gafe ɲɛ Wajibi tɛ aw ka dakosafinɛ san lajɛ).
Aw ye aw janto nin na: dusukunnabana walima senfunu walima ɲɛdatɔn bɛ mɔgɔ min na, o tigi man kan ka bikaribonatilama kɔkɔma walima kɔkɔmafɛnw dun ka caya.
Ale kisɛlama miligaramu 350 ka se miligaramu 850 ma, o bɛ sɔrɔ.
Ale ka banafurakɛ ka suman ni bikaribonatilama kɔkɔma ye. A ka fisa kumujiyɛlɛn ni nsɔnkunan furakɛli la, nka a man kan ka ta ka caya walima ka a kɛ ka furudimi furakɛ. Tuma o tuma ni dimi wulila, aw bɛ a miligaramu 850 kisɛ 1 ɲimi walima a miligaramu 350 kisɛ 2. Aw bɛ segin nin tata hakɛ kelen kan lɛri 2 ɲɔgɔn ni a ɲɛci bɛ yen.