Sigida 15 Wololabanaw

Nɔjɛmanbɔ (tɛgɛ, kan ni ɲɛda la)

A ka ca a la, nɔjɛman minnu bɛ bɔ mɔgɔ tɛgɛ la, senw, ɲɛda walima fari yɔrɔ wɛrɛw la, tile bɛ sigi minnu kan, olu sababu ye fɛn nafama dɔ ntanya ye wolo la. Tuma dɔw la, mɔgɔ bɛ a sɔrɔ i mansaw fɛ, nka bana tɛ. A bɛ i n’a fɔ mɔgɔkɔrɔbaw ka kunsigi jɛya. Fura takun tɛ o la, nka a yɔrɔw ka kan ka datugu ni fini ye walima ka tulu mu u la, zɛnki ɔkisidi (oxyde de zinc) bɛ min na tile kana u jeni. Ani fana tulu kɛrɛn­kɛrɛnnen minnu bɛ wolo ɲɛ ɲɛ, olu muni bɛ se ka a to nɔ jɛman in tɛ kɔlɔsi kosɛbɛ.

Aw ye aw janto a la: Aw kana nin nɔ jɛman in ni kuna ta kɛ kelen ye, ale ɲɛ tɛ jɛ kosɛbɛ ani fana ni mɔgɔ magara a la, i tɛ a dɔn.

Bana dɔw bɛ se ka nɔ jɛman bila mɔgɔ la min ni nɔ jɛman wɛrɛ bɔlen don. Bana min bɛ bugun da wolo la, o fana bɛ se ka nɔ jɛman bila mɔgɔ la (aw ye Tinea versicolor lajɛ gafe ɲɛ fankelen na)

Denmisɛnni wolo yɔrɔ dɔ tigɛli ani a kunsigi ɲɛyɛlɛmani, olu sababu bɛ se ka kɛ balodɛsɛ jugumanba ye (gafe ɲɛ Serebana, walima balodɛsɛ min bɛ dankari kɛ wolo la.

📖 Gafe kɔnɔkow
← Segin kɔfɛ | Taa ɲɛfɛ →