Foroforo (nɔbilenniw)

A taamasiɲɛw

Denfitiniw na, a bɛ kɛ nɔw ye u dafurukuw la. Tuma dɔw la a bɛ bɔ bolo ni tɛgɛw la. Kurukurumisɛni bɛ kɛ o nɔ ninnu senkɔrɔ minnu bɛ ci joona ka ji bɔ wa u kasa fana bɛ bɔ. U bɛ mɔgɔ ŋɛɲɛ kosɛbɛ.

A ka ca a la, denkɔrɔbaw ni mɔgɔkɔrɔbaw ka foroforo tɛ ci wa u ka teli ka kɛnɔnkɔnkuru ni kunberekurudaw de la.

Bana tɛ, nka faritanabana de don.

A furakɛcogo

• Aw bɛ bandi ɲigin jisuma na ka o da a la.
• Ni joli ye nɛ ta, aw bɛ a furakɛ i n’a fɔ aw bɛ foroforo furakɛ cogo min na .
• Aw bɛ a to tile ka a yɔrɔ ninnu sɔrɔ.
• A dɔw la, aw bɛ tulufarimanw mu a la waati ni waati. Nka farati bɛ olu la. Aw bɛ aw jija joli kana juguya. A ka fisa aw ka dɔgɔtɔrɔ dɔ ka hakilina ɲini (aw ye sɛbɛn ɲɛ Kurukuru ni ŋɛɲɛ furakɛ tuluw, pommade corticostéroïdes lajɛ.)

📖 Gafe kɔnɔkow
← Segin kɔfɛ | Taa ɲɛfɛ →