Kunnafoni damadɔw ka ɲɛsin dugumisɛnw kɛnɛyabaarakɛlaw ma
An ye sababu dogolen dɔw dɔn kɔnɔbolibana ni balodɛsɛ la. Nin cogo kelen na, aw bɛn’a kɔlɔsi ko balo sɔrɔcogo, dugukolo tilacogo, ani mɔgɔw taabolo ka ɲɛsin ɲɔgɔn ma, olu de ye kɛnɛya gɛlɛya caman kun ye.
N’aw ka sigida bɛɛ lajɛlen ka lafiya ye aw haminanko ye, aw ka kan k’u dɛmɛ ka fɛɛrɛ sɔrɔ nin gɛlɛyabasugu ninnu de la.
Kɛnɛya tɛ dan bana ntanya dɔrɔn ye. Farikolo, hakili, ani sigiyɔrɔ lafiya; olu de ye kɛnɛya ye. Mɔgɔw bɛ lafiya sɔrɔyɔrɔ la danaya ni ɲɔgɔndɛmɛ bɛ yɔrɔ min na walima sigiɲɔgɔnw bɛ ɲɔgɔn dɛmɛ yɔrɔ min na ka ɲɛtaabaaraw kɛ ani ka bɔ nɔgɔ la cogo bɛɛ la.
Dugu jɛ o jɛ, aw ye fura ɲini gɛlɛyaw la. Nka aw kana ɲinɛ abada k’aw ka baara fɔlɔ de ye aw ka sigida yiriwali ye, k’a kɛ yɔrɔ ye saniya ni adamadenya sabatilen bɛ yɔrɔ min na.
Kɛnɛya baarakɛla jɔyɔrɔ ka bon kosɛbɛ, a ka kan ka baara daminɛ yɔrɔ jumɛn?