Ka baara kɛ ni an yɛrɛ bolokɔrɔminɛnw ye walasa ka makow ɲɛnabɔ

Kunnafoni damadɔw ka ɲɛsin dugumisɛnw kɛnɛyabaarakɛlaw ma

Jɔn ye kɛnɛyabaarakɛla ye dugumisɛnw kɔnɔ?
Kun caman b’an bali k’an mako don an ka kɛnɛya la
Aw y’aw ka sigidamɔgɔw jateminɛ
Ka baara kɛ ni an yɛrɛ bolokɔrɔminɛnw ye walasa ka makow ɲɛnabɔ
Baara min ka kan ka kɛ, o bɛ waleya cogodi ani a bɛ daminɛ ni fɛn jumɛn na?
Furaw takun ani u tata hakɛ
Ɲɛtaa baara waleyalenw bɛ dɔn cogodi? (Sɛgɛsɛgɛli)
Ka dɔnniya sɔrɔ mɔgɔlakalan sen fɛ – kɛnɛyabaarakɛla bɛ i n’a fɔ karamɔgɔ
Nin gafe in labaaracogo ɲuman

Baara dɔw tɛ taa mɔgɔ wɛrɛw ka dɛmɛ kɔ (baarakɛminɛn, baarakɛla, mɔgɔ wɛrɛw). Misali la, boloci tɛ se ka kɛ ni fura dɔw tɛ, fura minnu bɛ bɔ jamana wɛrɛw la tuma dɔw.

Baara dɔw bɛɛ bɛ se ka ɲɛnabɔ ni bolokɔrɔminɛnw ye. Du dɔ walima jɛkulu dɔ bɛ se ka jimarayɔrɔ koori walima ka ɲɛgɛn dɔw jɔ ni u bolokɔrɔminɛnw ye.

Dɛmɛ minnu dɔw bɛ bɔ kɔfɛ, i n’a fɔ bolocifuraw ani fura nafama dɔw, olu bɛ se ka na ni yɛlɛmabaw ye kɛnɛyako la. Aw ka kan k’aw jija k’olu sɔrɔ.

Nka tuma caman, a da ka di mɔgɔw la n’u bɛ se ka baara kɛ n’u yɛrɛ bolokɔrɔfɛnw ye.

N’aw bɛ se ka baara kɛ aw yɛrɛ ye, aw tɛna siri mɔgɔ wɛrɛ ka dɛmɛ na, wa aw ka sigidida bɛna yiriwa ani ka kɛnɛya sɔrɔ.

Aw y’a ɲini mɔgɔw fɛ aw seko bɛɛ la, u ka baara kɛ n’u bolokɔrɔfɛnw ye.

Sinji – Balo ɲuman gɛrɛgɛrɛ – A ka ɲi ni nɔnɔ feereta bɛɛ ye.

Aw bɛ se k’aw jigi da a kan waati bɛɛ ani a ka ca a la, a da ka di, wa fana a nɔ ka ɲi. N’aw bɛ se, misali la, aw y’a ɲini denbaw fɛ, u ka denw balo ni sinji ye. O ka fisa ni biberɔn ye. O b’a to u bɛ da u yɛrɛ la k’a sababu kɛ an bolokɔrɔfɛn ɲumanw ye, n’o dɔ ye sinji ye. O bɛ denw kisi bana caman ma ani ka denyɛrɛni caman ka saya bali.