Bana minnu ka teli ka mɔgɔw minɛ minnu si bɛ san 40 na

Kunankunandimi

Nin bana kofɔlen in bɛ mɔgɔw minɛ minnu si ka ca ni san 40 ye. U tɛ balo ɲuman sɔrɔ wa u bɛ tila ka dɔlɔ min. Nka a jateminɛnan ko a bɛ se ka denmisɛnnamɔgɔw minɛ minnu tɛ dɔlɔ min, kɛrɛnkɛrɛnnenya na Farafinna kɔnɔ. Tuma dɔ la a sababu bɛ sɔrɔ sayijɛ juguman fɛ.

A taamasiɲɛw

Biɲɛdimi taamasiɲɛw ni sayijɛ taw bɔlen don, a tigi ka dumunikɛta bɛ dɔgɔya, kɔngɔ tɛ a minɛ, kɔnɔdimi walima a kinifɛ galaka bɛ a dimi.
Ni bana bɛka juguya, a tigi bɛ fasa ka taa a fɛ. Tuma dɔw la, a bɛ joli fɔɔnɔ. Ni biɲɛdimi juguman bɛ mɔgɔ la, a tigi kɔnɔ bɛ funu i n’a fɔ musokɔnɔma ta, ka a fa ji la, senw bɛ funu, a tigi ɲɛkisɛw ni a fari bɛ kɛ nɛrɛ ye.

A furakɛcogo

Ni biɲɛdimi juguyara, a furakɛli bɛ gɛlɛya barisa fura tɛ yen min bɛ bana in kɛnɛya. A ka ca a la, a bɛ banabagatɔ caman faga. O de kama kabini aw bɛ biɲɛdimi taamasiɲɛ fɔlɔw ye, aw bɛ taa dɔgɔtɔrɔso la. Aw bɛ nin waleya ninnu matarafa ka fara o kan:

Aw kana dɔlɔ min abada. Dɔlɔ ye pɔsɔnni ye biɲɛ ma.
Ni aw bɛ se, aw ka dumuni fanba ka kan ka kɛ nakɔfɛnw, jiridenw, ani dumuni witaminimaw ye (sɛbɛn ɲɛ Dumuni dunta fanba ani dumuni dafalanw ni Ka balo dafalen dun walasa ka to kɛnɛya la). Nka aw kana dumuni witaminimaw dɔw dun ka caya kojugu i n’a fɔ sogo, shɛfan, jɛgɛ ani o ɲɔgɔnnaw, barisa nin dumuni ninnu bɛ biɲɛ ka baara gɛlɛya.
Ni a tigi senw fununen don, a ka kan ka kɔkɔ nɛmɛnɛmɛ.
A ka nɔgɔ mɔgɔ ma ka a yɛrɛ tanga nin bana in ma kosɛbɛ: aw kana dɔlɔ min.

Biɲɛdimi

Kunankunan ye saki fitini ye min nɔrɔlen bɛ mɔgɔ biɲɛ na. A bɛ ji kunanman ɲɛ binkɛnɛma mara min bɛ wele ko kunankunanji, ni a bɛ furu dɛmɛ ka dumuni girimanw yɛlɛma. Bana min bɛ kɛ kunankunanji tɛmɛsiraw la, o ka teli ka muso belebelebaw de minɛ minnu ka ca ni san 40 ye ani jabɛtitɔw.

A taamasiɲɛw:

Dimi gɛlɛn bɛ kɛ a tigi kinifɛ galakakololaban yɔrɔ la; waati dɔw la, a dimi bɛ bɔ fo kɔ kiniyanfan fɛ.
Waati dɔw la a dimi bɛ daminɛ ni a tigi tilala dumuni na, a bɛ se ka dusu ɲugun bila a tigi la.
Kasa goman bɛ bɔ u da fɛ.
Waati dɔw la farigan bɛ kɛ a sen kɔrɔ.
Tuma ni tuma, a tigi ɲɛkisɛ jɛman yɔrɔ bɛ kɛ nɛrɛmuguman ye.

A furakɛcogo:

Walasa ka a dimi da, a tigi bɛ se ka ibiporofɛni (ibuprofène) ta barisa a ka ca a la, asipirini (aspirine) tɛ mako ɲɛ.
Ni farigan bɛ a sen kɔrɔ, a bɛ anpisilini, ampicilline ta.
Ni minnu ta dimi ka jugu kosɛbɛ walima ni bana basigilen don, aw bɛ dɔgɔtɔrɔ ka dɛmɛ ɲini ka da a kan a dɔw tɛ taa opereli kɔ tuma dɔw la.
Nin bana in bɛ mɔgɔ belebeleba minnu na, olu ka kan ka dumuni tulumaw dunni dabila, u ka kan ka dumuni fitini dun ani ka a ɲini ka fasa (aw ye sɛbɛn ɲɛ Mɔgɔ belebelebaw lajɛ).

Dusumangoya: An bɛ a fɔ tuma caman ko mɔgɔ minnu dimi ka di ko olu ye dusumangow ye. Nka o tigilamɔgɔ ka dimi ni bana tɛ fan kelen fɛ. O de la, biɲɛdimi bɛ mɔgɔ minnu na, olu bɛ siran bana dimi ɲɛ, ani lala waati min ni ni u nisɔmandi u bɛ jɔrɔ u ka u ka kɛnɛya ko la.

U nisɔmandi u bɛ jɔrɔ u ka u ka kɛnɛya ko la.

📖 Gafe kɔnɔkow
← Segin kɔfɛ | Taa ɲɛfɛ →