Banakisɛ­fagalan dɔw tali sariyaw

1. Sani aw ka penisilini walima anpisilini pikiri kɛ, aw bɛ aw jija ka pikirikɔlɔlɔ kunbɛnnan dɔw bila aw bolo kɔrɔ min tɔgɔ “adrénaline” walima “épinéphrine.” Ni fura bɛ faritɛnɛmako dɔ kɛ aw la (aw ye sɛbɛn ɲɛ Farikolo tanabanaw: a hakɛlama walima a juguman ni Epinefirini, épinéphrine lajɛ)
2. Ni mɔgɔ min fari tɛ sɔn penisilini na, aw bɛ eritoromisini kɛ o tigi la (aw ye sɛbɛn ɲɛ Eritoromisini, érythromycine lajɛ)
3. Aw kana tetarasikilini (tétracycline), anpisilini (ampicilline) walima banakisɛ­fagalan wɛrɛw ta ka a tugu ɲɔgɔn na ka caya bana na min bɛ se ka furakɛ ni penisilini ni banakisɛ­fagalan dɔɔni ye (aw ye sɛbɛn ɲɛ Banakisɛ­fagalan dɔw tali sariyaw lajɛ). Banakisɛ­fagalan caman tali bɛ banakisɛ suguya caman lajɛlen de kɛlɛ.
4. A ka ca a la kuloranfenikɔli (chloramphénicol) ka kan ka kɛ ka bana jugu dɔw furakɛ walima bana minnu ka teli ka mɔgɔ faga i n’a tifoyidi. Fura in farati ka bon. Aw kana a kɛ ka bana misɛnniw furakɛ abada. Wa fana aw kana a kɛ ka denyɛrɛniw furakɛ abada (fo ni keteketeni don, sɛbɛn ɲɛ Keteketenin).
5. Aw kana sɔn tetarasikilini (tétracycline) walima kuloranfenikɔli (chloramphénicol) pikiri la abada. Ni u kɛra fura dunta ye, o de ka ɲi kosɛbɛ ka tɛmɛ pikiri kan.
6. Musokɔnɔmaw walima denmisɛn minnu si tɛ san 8 bɔ, aw kana tetarasikilini (tétracycline) di olu ma. A bɛ se ka fiɲɛ bila nin mɔgɔ kofɔlenw ɲiw ni u kolow la (aw ye sɛbɛn ɲɛ Tetarasikilini faratiw ni yɛrɛtangacogow lajɛ).
7. Ni sɔgɔsɔgɔninjɛ bɛ mɔgɔ la, aw ye to ka a furakɛ ni sitɛrɛpitɔmisini (stréptomycine) ye ani a bɛ sɔrɔ fura minnu na ka fara sɔgɔsɔgɔninjɛ fura wɛrɛw kan (aw ye sɛbɛn ɲɛ Sitɛrɛpitɔmisini, Stréptomycine lajɛ). Ni anpisilini (ampicilline) tɛ aw bolo (walima ni a da ka gɛlɛn), aw bɛ se ka sitɛrɛpitɔmisini (stréptomycine) ni penisilini (pénicilline) fara ɲɔgɔn kan ka u kɛ ka jolida jugumanw furakɛ, ani bɛlɛnin walima bana lakodɔnnenw wɛrɛw, nka aw kana u kɛ ka mura, sɔgɔsɔgɔ ni ninakililabana kodɔnnenw furakɛ.
8. Fura o fura ye sitɛrɛpitɔmisini (stréptomycine) suguya dɔ ye ka fara kanamisini (kanamycine) ni zantamisini (gentamicine) kan, baga bɛ olu kelen kelen bɛɛ la. Tuma caman, dɔgɔtɔrɔ bɛ u kɛ ka banamisɛnniw furakɛ, o bɛ a to u bɛ tiɲɛni kɛ ka tɛmɛ ɲɛni kan. Nin fura kofɔlen ninnu yamaruyalen don banajugu minnu furakɛli la, aw ye u kɛ ka olu furakɛ.
9. Fɛɛnɛ ni nɔnɔkumu minni bɛ farikolo dɛmɛ ka banakisɛ nafamaw lasegin farikolo la minnu fagara banakisɛ­fagalan fɛ, i n’a fɔ anpisilini (ampicilline) bɛ farikolo segin a cogo la (aw ye sɛbɛn ɲɛ nataw lajɛ).

📖 Gafe kɔnɔkow
← Segin kɔfɛ | Taa ɲɛfɛ →