Fɛnɲɛnama kinda bɛ se ka funu
Sigida 10 Furakɛli kunfɔlɔ
Farikolotanabana nɔgɔmanw bɛ sɔrɔ gɔngɔn, jirifeere gɔngɔn, fɛnɲɛnama kinda, dumuni suguya dɔw, tubabubagaw walima tubabufuraw fɛ. Olu caman bɛ se ka furakɛ ni bagafuraw ye (aw ye sɛbɛn ɲɛ Fariŋɛɲɛfuraw lajɛ).
Fɛnɲɛnama kinda bɛ se ka funu
Farikolo tanabana juguman mɔgɔ minɛcogo ka jugu, barisa a bɛ se ka ninakili jɔ yɔrɔninkelen.
A taamasiɲɛw caman ye farikolo bilenya ni ninakilidegun ye.
Ni mɔgɔ tɛ se ka dumuni kunu, walima ni ninakilidegun bɛ a la, aw bɛ epinefirini (épinéphrine) di a tigi ma o yɔrɔnin bɛɛ. Aw bɛ epinefirini 0,3 ka se 0,5 miligaramu pikiri kɛ a la. Aw bɛ se ka segin ka o fura hakɛ kelen kɛ a la miniti 5 kɔnɔ ni a ɲɛci bɛ yen.
Epinefirini bɛɛ fanga ni a hakɛw tɛ kelen ye. O ni a ta bɛɛ, aw bɛ se ka a dita hakɛw kɛ kelen ye. Aw ye aw hakili jagabɔ a tata hakɛ ɲuman kan; wa fana a maralen ka sɔrɔ aw bolo sani a mako gɛlɛn ka jɔ a la. Walima aw bɛ a pikiriji labɛnnen mara, ni a bɛ wele epipɛni (EpiPen), a dɔnnen don ni izinitigiw ka tɔgɔ wɛrɛw ye. Walasa aw ka a tɔ bɛɛ ɲɛdɔn, aw ye sɛbɛn ɲɛ Epinefirini, épinéphrine lajɛ.
Aw bɛ epinefirini pikiri kɛ worofasa la, nin yɔrɔ in na:
Aw bɛ senw kɔrɔrɔta sanfɛ dusukun ni san cɛ
Ninakilidegun na, aw bɛ se ka salibitamɔli, salbutamol fana di. A ka fisa fana ka faritanabana fura di.
A ca a la, ni fura, dumuni, diden kinda bɛ farikolotanabana bila aw la, aw ye aw yɔrɔ janya olu la. Siɲɛfilanan na, ni o fɛn kelen ye aw sɔrɔ, Aw bɛ se ka sigi ni degun ye min ka jugu ka tɛmɛ fɔlɔ kan.