Tetanɔsi (Jaŋɔyin / nɛgɛtigɛbana)

Tetanɔsi ye mɔgɔfagabana ye min banakisɛbɛ don joli fɛwalima barakun fɛ, ani ka jɛnsɛn farikolo la.

A taamasiɲɛw

Tetanɔsi taamasiɲɛw bɛ se ka daminɛ tile kelen walima dɔgɔkun kelen joginni kɔfɛ.

• Wɔsili
• Dusukun tantanni teliman
• Fasaw jali. O fasaja sen fɛ, ninakili bɛ se ka fereke. Fasaw bɛ to ka a tigi dimi.
• Banabagatɔ tɛ se ka a da yɛlɛ ka ɲɛ.
• Kan bɛ ja ka don fari bɛɛ la, kɔnɔbara bɛ minɛ ka gɛlɛya.

Aw bɛ aw teliya ka taa dɔgɔtɔrɔso la ni aw ye nin taamasiɲɛ kofɔlen ninnu kɔlɔsi banabagatɔ la!

Yɛrɛtangacogo tetanɔsi ma

A ka nɔgɔn ka an yɛrɛ tanga tetanɔsi ma ka tɛmɛ a furakɛli kan. Boloci ni joginda saniyali ɲɔgɔn tɛ bana in kunbɛnni na. Aw ye Boloci yɔrɔ lajɛ.

Joginda minnu ka teli ka laban tetanɔsi ma, olu ye

• Joginda minnu kalala.
• Marifakisɛ dondaw
• Kolo karilenw, ni kolo karilen ye sogobu sɔgɔ ka bɔ (kolo karili ka bɔ ɲɔgɔn na)
• Jenidaw walima fari fan dɔ kirinni
• Kɔnɔtiɲɛ kɛcogo jugu ni pikiribiɲɛ minnu kɛra ka sɔgɔli kɛ ka tɛmɛ, olu bɛ se tetanɔsi bila mɔgɔ la.

Aw bɛ o joginda ninnu saniya ka ɲɛ ani ka tetanɔsipikiri kɛ a tigi la (aw ye sɛbɛn ɲɛ Tetanɔsifura, nɛgɛtigɛbanafura), nka ni aw ye a sɔrɔ ko tetanɔsipikiri ka waati dafalen don, aw bɛ metoronidazɔli fara a kan fana (sɛbɛn ɲɛ Metoronidazɔli, Métronidazole).

Denyɛrɛni ka tetanɔsibana

Denyɛrɛni bɛ se ka tetanɔsibana sɔrɔ barajuru tigɛli fɛ. Walasa ka denw tanga o ma, aw ka kan ka barajuru tigɛ ni lamu ye min tobila fɔlɔ, ka barakun saniya tuma bɛɛ, ani ka musokɔnɔma bolo ci. Aw bɛ bolociw yɔrɔ lajɛ, sɛbɛn ɲɛ Barajuru furakɛcogo.

📖 Gafe kɔnɔkow
← Segin kɔfɛ | Taa ɲɛfɛ →