Sigida 10 Furakɛli kunfɔlɔ
Dusukundimi bɛ cɛw ni musow bɛɛ la. Dusukundimi sababu ye joli cayali ye sɔn na. Ni o kɛra, dusukun jɔlen bɛ to min bɛ laban ni dusukun fasaw fagali ye. O bɛ sɔrɔ sɔnnabana de fɛ. Walasa ka kunnafoni caman sɔrɔ sɔnnabanaw kan, aw bɛ sɛbɛn ɲɛ Dusukunnabana lajɛ.
Disidimi de ye a taamasiɲɛ fɔlɔ ye cɛw ni musow bɛɛ la, nka tuma dɔw la disidimi tɛ kɛ musow la. Olu ta ka teli ka kɛ ninakili tigɛtigɛli, farikolosɛgɛn, dusukunɲugun, fɔɔnɔ walima kɔdimi ni dakalakadimiw ye.
Aw bɛ asipirini (aspirine) kisɛ 1 di a ma o yɔrɔnin bɛɛ la. Aw bɛ a fɔ ko a tigi ka a ɲimi ka ji min a kan. Hali ni aw dalen tɛ a la ko dusukunnabana don, asipirini tali tɛ fɛn kɛ a tigi la.
Ni nitorogiliserinikisɛ, nitroglycérine bɛ aw bolo, aw bɛ o dɔ di a ma ka mugan. Mɔrifini, morphine ka ɲi dimi ni siranya madali la. Aw bɛ a tigi hakilisigi ani ka dɔgɔtɔrɔ dɔ ka dɛmɛ ɲini.